Somerdriehoek

Die Somerdriehoek

Die Somerdriehoek is 'n eenvoudige, maar nogtans markante sterrekonstellasie van die Noordelike sterrehemel. Dit kwalifiseer egter nie as 'n amptelike sterrebeeld volgens die Internasionale Sterrekundige Unie (IAU) se riglyne nie, maar as 'n sogenaamde asterisme. Op someraande is die Somerdriehoek die opvallendste sterrekonstellasie in die Senit.

Die Somerdriehoek word gedurende die somer in die naghemel van die Noordelike Halfrond reeds kort ná sononder in die aandskemer in suidelike rigting sigbaar. Ten spyte van die sogenaamde ligvervuiling kan dit selfs in groter stedelike gebiede en ook deur ligte sluierwolke maklik raakgesien word.

Die konstellasie bestaan uit die sterre

• Wega in die sterrebeeld Lier (Lyra),
• Deneb in die sterrebeeld Swaan (Cygnus) en
• Altair (soms ook Atair genoem) in die sterrebeeld Arend (Aquila).

Navorsers neem aan dat die oudste bekende afbeelding van die Somerdriehoek in die grotskilderye van Lascaux (Frankryk) voorkom.