Strawberry Hill House

in Wikipedia, die vrye ensiklopedie
Spring na: navigasie, soek

Strawberry Hill House from garden in 2012 after restoration.jpg

Strawberry Hill House

in Twickenham, Londen

Engeland
Vlag van Verenigde Koninkryk Verenigde Koninkryk



Opgerig

17de eeu, omgebou tussen 1749 en 1776


Boustyl

Georgiaanse Gotiese herlewing


Heropening ná restourasie

Oktober 2010


Webtuiste
Strawberry Hill House

Strawberry Hill House, waarna dikwels ook net as Strawberry Hill verwys word, is 'n landhuis wat tussen 1749 en 1776 in Twickenham, Suidwes-Londen vir Horace Walpole (1717-1797), die skrywer en seun van die eerste Britse premier Sir Robert Walpole, in die Georgiaanse Gotiese herlewingstyl gebou is. Die huis was baanbrekend in 'n tyd toe die meeste herewonings in 'n nugtere klassieke styl ontwerp is en word as 'n vroeë voorloper van die 19de eeuse Neogotiese herlewing beskou. Na sy spesifieke boustyl, 'n unieke mengsel van 18de eeuse rokoko-stylelemente en Walpole se voorstellings van Gotiese boukuns, word as Strawberry Hill-gotiek verwys.

Walpole het 'n bestaande 17de eeuse woning in vier stappe, wat respektiewelik in 1749, 1760, 1772 en 1776 begin het, laat ombou om sy omvangryke versameling van antikwiteite te huisves. Die argitektoniese ontwerp sou 'n sombere atmosfeer skep en met die tuin kontrasteer. So is torinkies en skansmure by die gebou gevoeg en bypassende binnenshuise versierings aangebring, waaronder 'n vuurplek wat deur Robert Adam ontwerp is. Versierings aan die buitekant is onder meer deur James Essex behartig.

Walpole het sy geboue as "papier" beskou wat binne tien jaar ná sy afsterwe "weggevee" sou wees. Sy landhuis, wat reeds tydens sy leeftyd besoekers gelok het, het egter bewaar gebly en word sedert 2012 in 'n tweede fase van herstelwerk omvattend gerestoureer. Dit word tans deur die Strawberry Hill Trust bestuur en staan oop vir die publiek.