Swartwoud-ham

in Wikipedia, die vrye ensiklopedie
Spring na: navigasie, soek
Swartwoud-ham
Swartwoud-ham wat vir uitvoer na Pole bestem is

Swartwoud-ham (Duits: Schwarzwälder Schinken) is 'n soort gerookte ham, wat volgens tradisionele resepte en metodes in die Duitse Swartwoud-bergreeks geproduseer word. Swartwoud-ham is in die Europese Unie 'n ham van oorsprong.

Die ham word gewoonlik droog gepekel en met kruie, knoffel, koriander, swart peper en jenewerbessies gekruie. Die ham moet vervolgens saamgepers word totdat hy sy optimale vorm het. Daarnaas word die ham oor vars denneboom- en sparboomhout, sprokkelhout en saagmeel teen 'n temperatuur van 25 °C enkele weke lank koud gerook. Hierdie proses konserveer die vleis en gee aan die ham sy kenmerkende aromatiese geur en sy tipiese swartbruin swoerd.

Die ham word uiteindelik twee tot drie weke lank in spesiale stoorkamers met lugreëling en teen 'n konstante lugvogtigheid en temperatuur bewaar om sy smaak verder te verfyn. Die oorspronklike gewig van die ham is nou met naastenby dertig persent verminder, en hy is klaar om verpak te word.

Swartwoud-spek word volgens dieselfde resep en metode van buikspek gemaak.