Taconic-berge

in Wikipedia, die vrye ensiklopedie
Spring na: navigasie, soek
Kaart van die hoofstreke van die noordoostelike Appalagge

Die Taconic-berge is 'n bergreeks in Nieu-Engeland, wat deel uitmaak van die Appalagge en langs die oosgrens van die Amerikaanse deelstaat New York loop. Die bergreeks strek tot in die suidweste van Vermont, Connecticut, die weste van Massachusetts en Suidwes-Vermont.

Die Taconic-berge loop sowat 240 kilometer (150 myl) in noord-suidelike rigting en behels 'n kleiner bergreeks, die Berkshire-berge in Wes-Massachusetts. Die hoogste bergpiek is Mount Equinox teen die noordelike einde van die bergreeks in Manchester (Vermont) op 'n hoogte van 1 163 meter (3 816 voet) bo seevlak. Die Indiaanse naam van die berge is vroeër weergegee as Taghkanic. Die Taconic State Park langs die grens van New York met Massachusetts en Connecticut is 'n gewilde toeristebestemming.

Die Taconic-bergreeks is in die laat Ordovisiaanse tydperk, sowat 440 miljoen jar gelede, deur die botsing van die Noord-Amerikaanse Plaat met 'n vulkaniese eilandboog gevorm - net soos die huidige Japan. In geologiese opsig behoort die reeks tot die oudstes in Noord-Amerika en is lankal deur erosie geslyp tot sy huidige, laer hoogte.