The Sims 3

in Wikipedia, die vrye ensiklopedie
Spring na: navigasie, soek
The Sims 3
Ontwikkelaar Maxis
Uitgewer Electronic Arts
Beloofde uitreiking Junie 2009
Genre Strategie / Simulasie
Modus Enkele speler
Platform Microsoft Windows, Mac OS X
Amptelike webtuiste [1]

The Sims 3 is 'n videospeletjie en die vervolg op The Sims 2. Dié derde spel in die Sims-reeks deur Maxis en Electronic Arts is in Junie 2009 vrygestel. 'n Mac-weergawe is saam met die PR-weergawe uitgereik.

In The Sims 3 sal die buurt nie meer opgedeel word in erwe nie, maar die karakters sal vrylik kan rondbeweeg. Al die Sims word ook terselfdertyd ouer, ongeag met watter familie die speler speel. Punte kan verdien word deur klein gebeurtenisse soos tande borsel of groot gebeurtenisse soos troues. Die behoeftes is so aangepas dat die speler eerder op sosiale situasies en verhoudings kan konsentreer as op die behoeftes van die Sims.

Daar is twaalf loopbane in die spel en elke loopbaan het ’n spesifieke gebou in die buurt. Die speler kan dus ’n Sim volg na die gebou waar hy werk, maar kan nie in die gebou ingaan nie.

Sims kan nou geskep word wat heel anders lyk as in The Sims 2. Hulle kan maer of vet wees, kort of lank, en die liggaamsdele kan apart gekies word. Die speler kan ook die velkleur na hartelus verander en hoef nie meer uit net vier kleure te kies nie.

In die vorige spel was daar 20 karaktertrekke; in die nuwe spel is daar 80, soos sleg, humoristies, charismaties, eensaam, onhandig, atleties, hardkoppig, gelukkig, ens.

Eksterne skakels[wysig]

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [2]