Tierboskat

in Wikipedia, die vrye ensiklopedie
Spring na: navigasie, soek
Tierboskat
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Felidae
Genus: Leptailurus
Severtzov, 1858
Spesie: L. serval
Binomiale naam
Leptailurus serval
(Schreber, 1776)
Verspreiding van die tierboskat
Verspreiding van die tierboskat
Sinonieme
Felis serval

Die tierboskat (Leptailurus serval) is 'n medium-grootte wildekat wat in Afrika voorkom.

Identifikasie[wysig]

'n Volwasse tierboskat het 'n gemiddelde hoogte van 50 cm en 'n lengte van ongeveer 130 cm, insluitende sy stert, wat ongeveer 40 cm lank kan wees. Die tierboskat is 'n slank en langbenige kat, met 'n kort stert. Hy het 'n klein kop met groot, ovaal ore, wat naby aan mekaar geleë is. Sy lyf is versier met kolle op 'n dof-bruin pels; die kolle verander in strepe op sy rug en bene.

Habitat[wysig]

Die tierboskat word hoofsaaklik in grasvelde aangetref, alhoewel daar ook melanistiese diere voorkom wat meer dikwels in bergagtige gebied voorkom. Tierboskatte benodig water en woon dus nie in semi-woestyne of droë steppes nie.

Dieet[wysig]

Tierboskatte is karnivore wat gewoonlik klein soogdiere en voëls eet, maar hulle eet ook dikwels insekte (onder andere kewers).

Voortplanting[wysig]

'n Wyfie se werpsel bestaan gewoonlik uit ±3 kleintjies.

Sien ook[wysig]

Bronnelys en verwysings[wysig]

  • Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
  1. Cat Specialist Group (2002). Leptailurus serval. 2006 IUCN Red List of Threatened Species. IUCN 2006. Verkry op 29 Februarie 2007.