Trappe van vergelyking

Trappe van vergelyking is vorme van byvoeglike naamwoorde of bywoorde. 'n Byvoeglike naamwoord in Afrikaans kan drie vorme aanneem om die sterkte van die naamwoord aan te dui. As voorbeeld kan 'n voorwerp as groot, nog groter (meer as net groot) of as die heel grootste beskryf word. Soortgelyk kan 'n partytjie as lekker, nog lekkerder of as die heel lekkerste beskryf word.

Die middelste trap word die vergrotende trap genoem en die laaste trap die oortreffende trap. Die eerste trap is die basis woord. Die vergrotende (tweede) trap is gewoonlik die basis woord + die agtervoegsel 'er'. Die oortreffende (derde) trap is gewoonlik die basis woord + 'ste'.

Voorbeelde

Een klinker

• dik - dikker - dikste
• dun - dunner - dunste
• vet - vetter - vetste

Een klinker + g

• sag - sagter - sagste
• lig - ligter - ligste
• sleg - slegter - slegste

Meer as een klinker

• skoon - skoner - skoonste
• laat - later - laatste
• geel - geler - geelste

Dubbele klinkers + g

• laag - laer - laagste
• leeg - leër - leegste
• hoog - hoër - hoogste
• droog - droër - droogste
• moeg - moeër - moegste
• vroeg - vroeër - vroegste

Dubbele klinkers of konsonante

• vuil - vuiler - vuilste
• koel - koeler - koelste

Dubbele klinkers + d

• koud - kouer - koudste
• breed - breër - breedste
• oud - ouer - oudste

Woorde wat op 'n 'r' eindig

• ver - verder - verste
• lekker - lekkerder - lekkerste

Woorde wat op 'n 's' eindig

• los - losser - losste
• boos - boser - boosste
• fluks - flukser - flukste

Een klinker + 'f'

• grof - growwer - grofste
• laf - lawwer - lafste
• muf - muwwer - mufste

Een klinker + 'nk'

• lank - langer - langste
• jonk - jonger - jongste

Dubbele klinker + 'f'

• doof - dower - doofste
• braaf - brawer - braafste
• gaaf - gawer - gaafste

Uitsonderings

• goed - beter - beste (botter?)
• baie - meer - meeste
• bietjie - minder - minste
• kwaad - kwater - kwaadste
• nuut - nuwer - nuuste

Sien ook

• Vergelykings (Taalkunde)
• Intensiewe