Intensiewe
vanuit Wikipedia, die vrye ensiklopedie.
Intensiewe vorme of intensiewe adjektiewe is byvoeglike naamwoorde in die versterkende graad. Intensiewe vorme word gebruik om 'n sin trefkrag te gee en die taal op te kikker. 'n Voorbeeld hiervan is brandarm, wat baie arm beteken. In Afrikaans word intensiewe vorme altyd vas (as een woord) geskryf, behalwe by wawyd oop, nugter wakker en alom bekend.
[wysig] Voorbeelde
'n Paar voorbeelde van intensiewe:
- af - morsaf
- alleen - stokalleen, stoksielalleen, moedersielalleen, vingeralleen
- arm - brandarm
- bang - doodbang
- bekend - alom bekend
- beroemd - wêreldberoemd
- bitter - galbitter
- blank - lelieblank
- bleek - doodsbleek, wasbleek
- blind - stokblind, stekelblind
- blink - bottelblink
- blou - potblou
- breed - hemelsbreed
- deur - dwarsdeur
- dig - potdig
- dik - trommeldik, knuppeldik
- donker - pikdonker, stikdonker, nagdonker
- dom - aartsdom
- dood - morsdood
- doof - stokdoof, potdoof
- dronk - smoordronk, stomdronk, stormdronk, papdronk
- droog - kurkdroog, horingdroog, botdroog, tonteldroog
- dun - plankdun, papierdun, flenterdun, ragdun
- duur - peperduur
- eerlik - doodeerlik
- eenvoudig - doodeenvoudig
- flou - stokflou
- fris - perdfris
- fyn - haarfyn, ragfyn, piekfyn, flenterfyn
- geel - goudgeel
- gek - stapelgek
- gelukkig - doodgelukkig, dolgelukkig
- gerus - houtgerus, perdgerus, doodgerus
- gewoon - doodgewoon
- glad - spieëlglad, seepglad, botterglad
- goedkoop - spotgoedkoop
- graag - dolgraag
- groen - grasgroen, lowergroen
- hard - kliphard, ysterhard, keihard, keisteenhard, klipsteenhard, staalhard, steenhard, spykerhard
- heet - brandheet, snikheet, stikheet, smoorheet
- helder - glashelder, klokhelder, kristalhelder
- honger - hondhonger
- hoog - hemelhoog
- jonk - bloedjonk, piepjonk
- klein - piepklein, muisklein
- koel - komkommerkoel
- koud - yskoud
- krom - hoepelkrom
- kwaad - smoorkwaad
- lam - boeglam
- lang - ellelange
- leeg - dolleeg
- lelik - skreeulelik
- lekker - smullekker
- lewendig - springlewendig
- lig - veerlig
- maer - brandmaer, biltongmaer (informeel)
- mak - hondmak
- maklik - doodmaklik
- min - bloedmin
- moeg - doodmoeg
- mooi - beeldskoon, wondermooi, popmooi
- naak (nakend) - poedelnaak (-nakend), spiernaak
- nat - papnat, sopnat, waternat, papsopnat, watersopnat
- netjies - kraaknetjies
- nodig - broodnodig, hoognodig
- nugter - doodnugter
- nuut - splinternuut, spiksplinternuut
- onnosel - kliponnosel
- oop - wawyd oop
- oud - stokoud, horingoud, beenoud
- regop - penregop, kersregop, kiertsregop
- reguit - pylreguit
- rein - hemelrein, engelrein
- rond - koeëlrond
- rooi - bloedrooi
- ryk - skatryk, bossiesryk, stinkryk, vrotryk
- ryp - papryp
- sag - papsag, doeksag/doeksaf
- seker - doodseker
- skeef - windskeef
- skelm - jakkalsskelm
- skerp - vlymskerp, elsskerp
- skoon - silwerskoon, wonderskoon, beeldskoon, kraakskoon
- skraal - rietskraal
- slap - papslap
- snaaks - skreeusnaaks, skreesnaaks
- snel - blitssnel, bliksemsnel, pylsnel
- soet - suikersoet, stroopsoet,
- sout - pekelsout
- sterk - ystersterk
- stil - doodstil, tjoepstil, botstil, stokstil, muisstil
- styf - stokstyf
- suinig - vreksuinig
- suur - asynsuur
- swaar - loodswaar
- swak - kuikenswak
- swart - pikswart, gitswart, pikgitswart, roetswart, koolswart
- toe - pottoe
- taai - seningtaai
- vaal - asvaal
- vars - neutvars, oondvars, kraakvars, kersvars, douvars, kekkelvars (informeel)
- vas - rotsvas
- verlief - smoorverlief
- vet - spekvet, moddervet
- vinnig - blitsvinnig
- vol - stampvol, propvol, barstensvol, tjokvol, tjokke(n)blokvol (informeel)
- vreemd - wildvreemd
- vriendelik - katvriendelik
- vrot - papvrot
- vry - voëlvry
- wakker - nugter wakker, haaswakker
- warm - vuurwarm
- weinig - bloedweinig, broodweinig
- wit - spierwit, raapwit, krytwit
- wyd - wawyd, wêreldwyd
