Turck se pas

Turck se pas is ‘n bergoorgang in die Roggeveld in die Wes-Kaap van Suid-Afrika.

Hierdie pas is 35 km noord van Matjiesfontein op die pad na Sutherland by nagenoeg 32° 56′ 56″ suid en 20° 33′ oos waar die Koedoesberge en die Klein-Roggeveldberge ontmoet. Dit is 45 km van die Verlatekloofpas op dieselfde pad, net-net suid van die grens tussen die Wes- en die Noord-Kaap, suid van die Roggeveld-windplaas en net noord van waar die groot kraglyne oor die R354-streekroete gaan. In die pas swaai die P2243-grondpad noordooswaarts om via Smoushoogte, Bakenshoogte, Haashoogte en die Komsbergpas Sutherland te bereik.

Turck se pas bereik ‘n maksimum hoogte op 1 235 m en helling van 1:12.

Die geskiedenis van die naam van die pas kan nie meer teruggespoor word nie.