Sutherland

Sutherland
Die Suider-Afrikaanse Groot Teleskoop naby Sutherland
Sutherland
Koördinate: 32°23′37″S 20°39′41″O
Land	Suid-Afrika
Provinsie	Noord-Kaap
Distriksmunisipaliteit	Namakwa
Plaaslike Munisipaliteit	Hantam
Stigting	1858
Hoogte	1 450 m (4 757 vt)
Bevolking (2010)
- Stad	2 840

Sutherland is 'n dorp in die Karoo-hoogland van die provinsie Noord-Kaap (Suid-Afrika). Dit staan bekend as die sentrum van die sterrekunde in Afrika, maar ook as een van die koudste dorpe in Suid-Afrika met sneeuval en uiterste temperature van -16 °C in die winter. (Die koudste dorp is egter Buffelsfontein, waar 'n minimum temperatuur van -18.6°C al gemeet is.)

Geskiedenis

Sutherland is in 1857 op die plaas De List as 'n nuwe NG Kerk gemeente gestig en op 8 November 1858 is die eerste erwe verkoop. Die dorp is vernoem na ds. Henry Sutherland, predikant van die gemeente op Beaufort-Wes ten tyde van Sutherland se afstigting in 1855.

Danksy sy afgeleë en droë ligging 1 458 meter bo seevlak staan dit bekend vir sy naghemel, wat tot die klaarste en donkerste ter wêreld behoort en sodoende uiters geskik is vir sterrekundige navorsing.

Die Suid-Afrikaanse Sterrewag, wat in 1972 sowat veertien kilometer buite die dorp geopen is, was destyds een van die grootste in die suidelike halfrond. Sutherland huisves vandag ook die Suider-Afrikaanse Groot Teleskoop (Southern African Large Telescope, SALT), die grootste enkele teleskoop in die suidelike halfrond.

Bekende mense gebore in Sutherland

N.P. van Wyk Louw bekende Suid-Afrikaanse digter en sy broer WEG Louw is hier gebore. Hul geboorte huis, Louwhuis, is nou 'n museum.

Sien ook

• Lys van dorpe in Suid-Afrika