USS Yorktown (CV-10)
| Onderdeel van | Patriots Point |
|---|---|
| Vaartuig klas | Essex-class (SCB-125) aircraft carrier |
| Gebruik | museum skip |
| Amptelike naam | USS Bon Homme Richard, USS Yorktown |
| Kort naam | Yorktown |
| Konflik | Tweede Wêreldoorlog |
| Vernoem na | USS Bonhomme Richard, USS Yorktown (CV-5) |
| Kontinent | Noord-Amerika |
| Geleë in administratiewe eenheid | Mount Pleasant |
| Geleë in of aan waterliggaam | Charleston Harbor |
| Geografiese ligging | 32°47′26″N 79°54′31″W |
| Land van oorsprong | Verenigde State |
| Operateur | Amerikaanse Vloot |
| Vervaardiger | Newport News Shipbuilding |
| Ligging van vervaardiging | Newport News |
| Wapentuig | lugvaartuig |
| Erfenisbenaming | National Historic Landmark, National Register of Historic Places listed place |
| Vlagstaat | Verenigde State |
| Roepsein | NWKJ, OCEAN WAVE |
| Teken nommer | CV-10, CVA-10, CVS-10 |
_underway_at_sea_on_10_March_1963.jpg)
Die USS Yorktown (CV/CVA/CVS-10) is een van 24 Essex-klas vliegdekskepe wat gebou is gedurende die Tweede Wêreldoorlog vir die Amerikaanse Vloot. Dit is aanvanklik die naam USS Bonhomme Richard gegee maar later hernoem as Yorktown, terwyl dit nog onder konstruksie was, na die USS Yorktown CV-5 wat gekelder is tydens die Slag van Midway. Dit is die vierde skip van die Amerikaanse Vloot wat die naam gedra het, die vorige skepe is egter vernoem na die Slag van Yorktown. Die Yorktown is in diens gestel in April 1943 en het aan verskeie offensiewe in die Stille Oseaangebied deelgeneem. Daar is elf Battle Stars en die Presidential Unit Citation aan die skip toegeken.
Die Yorktown is uit diens onttrek kort nadat die oorlog beëindig is, dit is gemoderniseer en weer in diens gestel in Februarie 1953 as 'n aanvalsvliegdekskip (CVA). Dit het met onderskeiding tydens die Koreaanse Oorlog diens gedoen. Die skip was later weer gemoderniseer met 'n dek wat se neus lig en is as 'n teen-duikboot vliegdekskip (CVS) geklassifiseer. Dit het daarna nog vir jare diens gedoen in die Stille Oseaan, insluitende die Viëtnamoorlog waarna vyf Battle Stars aan haar toegeken is. Dit het later die herwinningskip vir die Apollo 8-ruimtetuig geword en is gebruik in die rolprent Tora! Tora! Tora!, die rolprent handel oor die aanval oor Pearl Harbor. Dit is ook gebruik in die wetenskapfiksie rolprent The Philadelphia Experiment.
Die Yorktown is vir die finale keer in 1970 uit diens onttrek en het in 1975 'n museumskip geword by Patriots Point, Mount Pleasant, Suid-Carolina en word beskou as 'n Nasionale Geskiedkundige Landwerk.
