Vroegdinastiese Tydperk van Egipte

in Wikipedia, die vrye ensiklopedie
Spring na: navigasie, soek
Tydperke van
Antieke Egipte
All Gizah Pyramids.jpg

Vroeë Tydperk
Ou Ryk
Eerste Oorgang
Middelryk
Tweede Oorgang
Nuwe Ryk
Derde Oorgang
Laat Tydperk
Ptolemeïese Tydperk

’n Bord wat in die Vroegdinastiese Tydperk van Antieke Egipte gemaak is. Dit beeld ’n man op ’n boot uit saam met ’n seekoei en krokodil.

Die Argaïese of Vroegdinastiese Tydperk van Antieke Egipte het begin net ná die vereniging van Bo- en Benede-Egipte omstreeks 3100 v.C. Dit het oor die 1ste en die 2de Dinastie gestrek tot omstreeks 2686 v.C., of die begin van die Ou Ryk.[1]

Tydens die 1ste Dinastie het die hoofstad van Abydos na Memphis geskuif en die land is regeer deur ’n Egiptiese god-koning. Abydos het die belangrikste heilige gebied in die suide gebly. Talle kenmerke van Antieke Egipte soos sy kuns, argitektuur en godsdiens het in hierdie tyd vorm aangeneem.

Twee lande
in hiërogliewe
N16
N16

Voor die vereniging van Egipte het die streek uit talle outonome dorpe bestaan. Tydens die vroeë dinastieë en vir die grootste deel daarna het Egipte bekend gestaan as die Twee Lande. Die farao's het ’n nasionale administrasie gevorm en koninklike goewerneurs aangestel. Die geboue van die sentrale regering was gewoonlik opelugtempels van hout en sandsteen.

Die vroegste hiërogliewe het net voor dié tydperk ontstaan, hoewel min bekend is oor die gesproke taal wat hulle verteenwoordig.

Verwysings[wysig]

  1. (2000) The Oxford History of Ancient Egypt. Oxford University Press, 479. ISBN 0-19-815034-2.