Willem Bok
Willem Eduard Bok (Den Burg, Texel, Nederland, 28 Junie 1846 – Johannesburg, Transvaal, 1 November 1904) was 'n vriend en vertroueling van president Paul Kruger van die ZAR.
Hy is in 1846 in Holland gebore en gaan in 1864 op die ouderdom van 20 na Engeland om in tale te studeer. Ná 'n kort loopbaan as handelaar kom hy op die ouderdom van 30 in die Zuid-Afrikaansche Republiek aan.
Hier bevriend hy president Paul Kruger en vergésel hom en die res van die Onafhanklikheidsafvaardiging na Londen ná Groot-Brittanje die land annekseer.
Later word hy sekretaris van die Nasionale Komitee en sluit hom aan by die redaksie van Die Volkstem. Ná die Slag van Majuba was hy staatsekretaris van 1884 tot 1888. Hy was ook klerk van die Volksraad en regeringskommissaris van die toe pas ontdekte Witwatersrandse goudveld. Die stad Boksburg aan die Oosrand is na hom vernoem.
Sy neef Edward Bok was redakteur van die Ladies' Home Journal in die VSA.
Willem Bok is in 1904 in Johannesburg oorlede.
Bron [wysig]
- Rosenthal, Eric, "Encyclopaedia of Southern Africa", Juta and Company Limited, Kaapstad, 1978.
