1 November

1 November is Die 305ste dag van die jaar (306ste in skrikkeljare) in die Gregoriaanse kalender, met nog 60 dae oor.

Gebeure

Die skepping van Adam in die Sistynse Kapel

• 837 – Pous Gregorius IV stel Allerheilige feesdag in.
• 1503 – Pous Julius II volg Pous Pius III op as pous van die Rooms Katolieke Kerk.
• 1512 – Die plafon van die Sixtynse Kapel, deur Michelangelo geskilder, word vir die eerste keer aan die publiek ten toon gestel.
• 1521 – Die Straat van Magellaan, die seestraat net suid van die Suid-Amerikaanse vasteland wat die Stille- en die Atlantiese Oseane met mekaar verbind, word vir die eerste keer deur Ferdinand Magellaan deurvaar.
• 1604 – Die tragedie van William Shakespeare, Othello, word vir die eerste keer by die Whitehall Paleis in Londen opgevoer.
• 1610 – Pous Paulus V verklaar Charles Borromeo heilig.
• 1611 – Die romantiese komedie van William Shakespeare, The Tempest, word vir die eerste keer by die Whitehall Paleis in Londen opgevoer.
• 1658 – Pous Alexander VII verklaar Thomas van Villanova heilig.
• 1683 – Die Britse kroonkolonie van New York word onderverdeel in 12 graafskappe.
• 1745 – Pous Benedictus XIV publiseer “Vix Pervenit” oor woekerwins en ander oneerlike wins.
• 1755 – Lissabon in Portugal word vernietig deur ’n geweldige aardbewing en tsunami. Na raming het tussen sestig- tot negentigduisend mense gesterf.
• 1765 – Die Britse Parlement vaardig die Seëlwet uit in die 13 kolonies om die Britse militêre aksies in Noord-Amerika te help finansier.
• 1800 – Die Amerikaanse president, John Adams, neem sy intrek in die presidensiële woning, alombekend as die Withuis.
• 1848 – Die eerste mediese skool vir vroue (Boston Female Medical School) open in Boston, Massachusetts.
• 1861 – Amerikaanse Burgeroorlog: Die President van die V.S.A., Abraham Lincoln stel George McClellan aan as bevelvoerder van die Unie weermag. Hy vervang Winfield Scott, reeds in gevorderde leeftyd.
• 1876 – Nieu-Seeland se provinsiale regeringstelsel word gestaak.
• 1894 – Die Russiese Tsaar Aleksander III sterf en word deur sy seun Nikolaas II opgevolg.
• 1914 – Eerste Wêreldoorlog: Die Slag van Coronel vind plaas. Dit is die eerste Britse Nederlaag van diè oorlog.
• 1918 – ’n Treinongeluk in New York eis die lewens van 93 mense.
• 1922 – Die Ottomaanse Ryk kom tot ’n einde toe die laaste sultan abdikeer.
• 1943 – Tweede Wêreldoorlog: Operasie Goodtime word van stapel gestuur met die Amerikaanse inval te Bouganville in die Solomon-eilande.
• 1950 – Die NG gemeente Marondera as Marandellas in die huidige Zimbabwe gestig.
• 1950 - Pous Pius XII verkondig die dogma van Maria se hemelopneming.
• 1950 – Sluipmoordpoging van die Puerto Rikaanse nasionaliste Griselio Torresola en Oscar Collazo op die President van die V.S.A., Harry Truman.
• 1952 – Operation Ivy - Die V.S.A se eerste suksesvolle waterstofbom ontploffing met die kodenaam “Mike” [“m” vir megaton], te Eniwetokeiland op die Bikini-rif in die Stille Oseaan.
• 1954 – Die Front de Libération Nationale begin die Algerynse Onafhanklikheidsoorlog teen Franse heerskappy, met guerrilla-aanvalle in verskeie dele van Algerië.
• 1955 – ’n United Airlines DC-6B ontplof midde-in vlug en stort te Longmont, Colorado neer, met 44 insittendes wat te sterwe kom.
• 1960 – Die Amerikaanse president, John F. Kennedy stel sy idee van ’n Vredeskorps bekend tydens sy verkiesingsveldtog.

Arecibo radioteleskoop

• 1963 – Die Arecibo-observatorium, met die wêreld se grootste radioteleskoop, word amptelik in gebruik geneem in Arecibo, Puerto Rico.
• 1969 – Na sewe jaar aan die bopunt van die gewildheidsleer, bereik Elvis Presley se liedjie “Suspicious Minds” die nommer een posisie op “Billboard Music” se trefferlys.
• 1973 – Watergateskandaal: Leon Jaworski word aangestel as die nuwe spesiale aanklaer vir die Watergate ondersoek.
• 1981 – Antigua en Barbuda verkry hulle onafhanklikheid van die Verenigde Koninkryk van Brittanje.
• 1993 – Die Maastricht Verdrag tree in werking en die Europese Unie word amptelik gestig.
• 1998 – The Europese Hof vir Menseregte word ingestel.

Geboortes

• 1778 – Gustav IV Adolf van Swede († 1837).
• 1798 – Sir Benjamin Guinness, Ierse bierbrouer en filantroop († 1868).
• 1801 – Vincenzo Bellini, Italiaanse komponis († 1835).
• 1871 – Stephen Crane, Amerikaanse joernalis, skrywer en digter († 1900).
• 1877 – Roger Quilter, Britse komponis († 1953).
• 1880 – Alfred Wegener, Duitse meteoroloog en geofisikus († 1930).
• 1880 – Sholom Asch, Pools-Amerikaanse skrywer († 1957).
• 1886 – Hermann Broch, Oostenrykse skrywer († 1951)
• 1892 – Alexander Alekhine, Russiese skaakspeler († 1946).
• 1902 – Eugen Jochum, Duitse dirigent († 1987).
• 1923 – Gordon R. Dickson, Kanadese skrywer († 2001).
• 1923 – Victoria de los Angeles, Spaanse sopraan († 2005).
• 1929 – Betsy Palmer, Amerikaanse aktrise.
• 1929 – Roy Dryburgh, Suid-Afrika se agt-en-twintigste Springbokkaptein.
• 1934 – William Mathias, Walliese komponis († 1992)
• 1935 – Gary Player, Suid-Afrikaanse gholfspeler.
• 1940 – Ramesh Chandra Lahoti, Indiese juris, Hoofregter van Indië.
• 1943 – Salvatore Adamo, Belgies-Italiaanse sanger.
• 1952 – Larry Flynt, Amerikaanse tydskrifuitgewer.
• 1957 – Lyle Lovett, Amerikaanse sanger, liedjieskrywer, platevervaardiger en akteur.
• 1962 – Antony Kiedis, Amerikaanse sanger, liedjieskrywer en akteur (Red Hot Chili Peppers).
• 1963 – Rick Allen, Britse tromspeler (Def Leppard).
• 1967 – Sophie B. Hawkins, Amerikaanse sangeres, liedjieskrywer en kitaarspeler.
• 1972 – Toni Collette, Australiese aktrise.

Sterftes

• 1903 – Theodor Mommsen, Duitse politikus, skrywer en ontvanger van die Nobelprys vir Letterkunde, 1902 (* 1817).
• 1956 – Pietro Badoglio, Italiaanse soldaat en staatsman (* 1871).
• 1972 – Ezra Pound, Amerikaanse digter (* 1885).
• 1979 – Mamie Eisenhower, Amerikaanse Presidentsvrou (* 1896).
• 1982 – King Vidor, Amerikaanse rolprentregisseur (* 1894).
• 1982 – James Broderick, Amerikaanse akteur (* 1927).
• 1985 – Phil Silvers, Amerikaanse akteur en komediant (* 1911).

Vakansiedae

• Wêreld Vegetariërdag
• Rooms-Katolieke Kerk – Heilige dag van Verskuldiging, Allerheilige.
• Vakansiedag in Spanje, Italië en Kroatië.
• Lá Samhna die tradisionele eerste dag van die Winter in moderne Ierland, sien ook Samhain
• Mexiko en die Verenigde State - Die Dag van die Dodes