Klement Gottwald

Klement Gottwald (23 November 1896 - 14 Maart 1953) was 'n Tsjeggo-Slowaakse kommunistiese politikus, wat van 1929 tot sy dood in 1953 die leier van die Kommunistiese Party van Tsjeggo-Slowakye was - getitel as sekretaris-generaal tot 1945 en as voorsitter van 1945 tot 1953. Hy was die eerste leier van die kommunistiese Tsjeggo-Slowakye van 1948 tot 1953.

Hy was die 14de premier van Tsjeggo-Slowakye vanaf Julie 1946 tot Junie 1948, die eerste kommunis wat die pos beklee het. In Junie 1948 word hy verkies as die eerste kommunistiese president van Tsjeggo-Slowakye, vier maande na die staatsgreep van 1948 waarin sy party die mag verkry het met die steun van die Sowjetunie. Hy het die pos beklee tot sy dood.

Eksterne skakels

• Wikimedia Commons het meer media in die kategorie Klement Gottwald.