14 Maart

14 Maart is die 73ste dag van die jaar in die Gregoriaanse kalender (74ste in skrikkeljare). Daar volg nog 292 dae.

Gebeure

• 1319 – Pous Johannes XXII publiseer die bul Ad ea quibus wat die Portugese orde van die Ridders van Christus instel.
• 1487 – Giovanni de' Medici (later Pous Leo X) word ab in commendam van die Monte Cassino klooster.
• 1588 – Pous Sixtus V verklaar St. Bonaventure tot doktor van die Kerk.
• 1590 – Henri van Navarre en die Hugenote verslaan die magte van die Katolieke Bond onder die Duc de Mayenne in die Slag van Ivry.
• 1644 – Giulio Rospigliosi (later Pous Clemens IX) word titulêr aartsbiskop van Tarsus.
• 1676 – Goewerneur IJsbrand Godske van die Kaap de Goede Hoop word opgevolg deur Kommandeur Johan Bax van Herenthals.
• 1794 – Annibale Sermattei della Genga (later Pous Leo XII) word as nuntius verplaas na Keulen maar moet weens die oorlog sy intrek in Augsburg neem.
• 1794 – Eli Whitney patenteer die pluismeul.
• 1800 – Pous Pius VII volg Pous Pius VI op as pous van die Rooms-Katolieke Kerk.
• 1943 – Die Britse duikboot, HMS Thunderbolt, die voormalige HMS Thetis, word vir die tweede en laaste keer gesink.
• 1964 – Jack Ruby word skuldig bevind van die moord op Lee Harvey Oswald.
• 1975 – Die Suid-Afrikaner John van Reenen stel 'n nuwe wêreldrekord op in diskusgooi.
• 1984 – Gerry Adams, leier van Sinn Féin, word ernstig gewond in 'n sluipmoordpoging in Belfast, Noord-Ierland.
• 1991 – Die "Birmingham Ses", te vore verkeerdelik aan moord en bomaanvalle op kroeë in Birmingham, Engeland skuldig bevind, word na 16 jaar in die tronk vrygelaat.

Geboortes

• 1879 – Albert Einstein, Duitse fisikus en ontvanger van die Nobelprys vir Fisika in 1921 († 1955).
• 1934 – Eugene Cernan, Amerikaanse ruimtevaarder († 2017).
• 1937 – Peter van der Merwe, Suid-Afrikaanse krieketspeler († 2013).
• 1986 – Jamie Bell, Engelse akteur.

Sterftes

• 840 – Einhard, 'n Frankiese geleerde, kunsdeskundige en skrywer (* circa 770)
• 1851 – Hans Christian Oersted, 'n Deense fisikus (* 1777)
• 1883 – Karl Marx, Duitse filosoof, ekonoom, sosioloog en joernalis (* 1818).
• 1919 – Eugen Berg, Duits-Baltiese protestantse martelaar (* 1855).
• 1919 – Arnold von Rutowski, Duits-Baltiese protestantse martelaar (* 1865).
• 1919 – Theodor Scheinpflug, Duits-Baltiese protestantse martelaar (* 1862).
• 1943 – Pieter Cornelis Boutens, Nederlandse digter en klassikus.(* 1870).
• 2007 – Gareth Hunt, Britse akteur (* 1942)
• 2018 – Stephen Hawking, Britse fisikus en skrywer (* 1942).

Vakansies, vierings, en waarnemingsdae

• Volkebonddag (2005)
• Witdag in Japan
• Pi-dag