Drie Susters
Drie Susters (Three Sisters) | |
|---|---|
 Die Drie Susters (met ander berge in die agtergrond). | |
  Drie Susters | |
| Koördinate: 31°53′0″S 23°6′0″O / 31.88333°S 23.10000°O | |
| Land |  Suid-Afrika |
| Provinsie | Noord-Kaap |
| Tydsone | UTC+2 (SAST) |
Drie Susters (Engels: Three Sisters) is 'n landformasie en bekende landmerk in die Noord-Kaap, Suid-Afrika op die N1 nasionale pad tussen Beaufort Wes en Richmond.
Drie Susters se naam is ontleen van drie byna identiese koppies (heuwels) net oos van die N1 nasionale pad. Die koppies is met dolomiet gekroon en is rondawelagtig in voorkoms. Die plaas waarop die heuwels geleë is se naam is "Three Sisters".
Daar is 'n ook 'n spoorhalte waar treine in die verlede goedere vir die omliggende landbougemeenskap op- en afgelaai het. Die diens is egter al jare gelede gestaak.
Naby die heuwels is daar 'n groot vulstasie. Net noord van die vulstasie skei die N1 nasionale pad (via Bloemfontein) en N12 nasionale pad (via Kimberley) op pad na die noorde.
Trivia
[wysig | wysig bron]Pieter Koen se trefferliedjie "3 Susters van Drie Susters" is geïnspireer deur die pleknaam.
Sien ook
[wysig | wysig bron]Bronne
[wysig | wysig bron]- B.P.J. Erasmus: Op Pad in Suid-Afrika. 1995. ISBN 1-86842-026-4
- Padlangs deur Suid-Afrika. 2010. ISBN 978-1-77007-751-5