Hidraat

'n Hidraat is 'n chemiese verbinding wat die reaksieproduk van 'n ander verbinding met water is.

Regte hidrate

Kopersulfaat-pentahidraat

Baie soute vorm een of meer hidrate. Die blou kristalle van kopersulfaat wat uit waterige oplossing gevorm word is die pentahidraat CuSO₄·5H₂O. By verhitting verloor dit water en vorm bokant 100 ^oC die trihidraat CuSO₄·3H₂O. Verder verhitting stel die monohidraat CuSO₄·H₂O vry en uiteindelik die wit anhidraat CuSO₄ self.

Kopersulfaat is 'n voorbeeld van 'n regte hidraat. In sy kristalstruktuur kan die watermolekule goed herken word. In die pentahidraat word die Cu²⁺-ioon deur die suurstofatome van die watermolekule omring. In die anhidraat behoort die suurstofligande aan die sulfaat-ione. Dit verklaar die verskil in kleur.

Anhidrate

Kopersulfaat-anhidraat

Baie hidrate verloor hulle kristalwater by verhitting en dit stel hulle anhidrate vry. Kopersulfaat is 'n goeie voorbeeld.

Pseudo-hidrate

Talle hidrate kan as X·nH₂O geskryf word, maar binne hulle struktuur het die watermolekule ander spesies gevorm. 'n Goeie voorbeeld van sulke pseudo-hidrate is As₂O₅·4H₂O wat in werklikheid 2H₃AsO₄·H₂O is: 'n hidraat van arseensuur, nie van arseenoksied nie.

Koolhidrate

'n Groot groep organiese verbindings word koolhidrate genoem. Hulle stoigiometrie kan as C_n·nH₂O geskryf word, maar in werkelikheid bevat hulle geen watermolekule nie. Die suurstofatome het 'n kovalente binding met die koolstofatome en is as alkohol-groepe aanwesig.

Gashidrate

'n Besondere groep hidrate is die klatrate of gashidrate. Pleks van rondom ione is in hierdie verbindings die watermolekule as 'n deur waterstofbinding gevormde netwerk rondom neutrale molekule aanwesig. Die sentrale molekule kan 'n gas soos metaan verteenwoordig.