AIM-9 Sidewinder

in Wikipedia, die vrye ensiklopedie
Jump to navigation Jump to search
'n Sidewindermissiel

Die AIM-9 Sidewinder is 'n lug-tot-lug missiel, 'n vuurpyl wat ontwerp is om vanaf een vliegtuig ander vliegtuie neer te skiet. Die AIM-9 Sidewinder is supersonies. Daar is 10 weergawes van die missiel en dit is een van die mees gebruikte wapens van die Amerikaanse Lugmag. Die Sidewinder is sedert 1959 in gebruik en die AIM-9 is 'n verbeterde weergawe daarvan.

Werking[wysig | wysig bron]

Die AIM-9 Sidewinder is 'n aansluitmissiel wat sy doelwitte soek met behulp van die hitte wat die teiken uitstraal. Omdat die son en die grond ook bronne van hitte is, is die missiel nie altyd ewe effektief nie. Hulle is ook vatbaar vir sogenaamde flares, magnesiumfakkels wat in 'n kort tyd baie hitte uitstraal en daardeur die missiel weglei van sy teiken.

Vooraan die missiel is 'n hittesoekende sensor wat die hitte van die teiken opspoor. Daaragter is die plofbare lading van gewoonlik 9.8 kg en agter dit is die vastebrandstofmotor.

Die missiel rig homself, dit wil sê as die missiel nog onder die vlerk van die vliegtuig sit, soek dit self sy teikens op. As die missiel 'n teiken gevind het, stuur dit outomaties 'n boodskap na die vlieënier wat dan die vuurknoppie kan druk om die missiel af te vuur vanaf die vegvliegtuig.

Lansering van 'n AIM-9M Sidewinder vanaf 'n F/A-18 Hornet
'n AC-130 wat fakkels afvuur

Galery[wysig | wysig bron]

Spesifikasies[wysig | wysig bron]

  • Hooffunksie: Lug-tot-lugmissiel
  • Motor: Hercules en Bermite Mk 36 Mod 71, 8 vaste vuurpylmotor
  • Spoed: Mach 2.5
  • Bereik: 16 tot 30 km (afhangend van die hoogte)
  • Lengte: 2.87 meter
  • Wydte: 0.13 meter
  • Spanwydte: 0.63 meter
  • Plofstof: Skrapnelgranaat
    • 12.5 kg plofstof vir die AIM-9H
    • 9.8 kg plofstof vir die AIM-9L/M
  • Massa: 85.5 kg
  • Rigstelsel: infrarooi doelsoekende kop
  • Bekendstelling: 1956 (AIM-1 sidewinder)
  • Koste: VS$84 000

Die missiel kan onder verskillende vegvliegtuie gehang word, soos die General Dynamics F-16 Fighting Falcon en die F/A-18 Hornet, maar dit pas ook op bomwerpers soos die B-52 Stratofortress.

Question book-4.svg Hierdie artikel bevat nie ’n bronnelys nie, wat beteken dat die inhoud nie geverifieer kan word nie.
Enige bevraagtekende inligting mag dus ook mettertyd verwyder word. Help Wikipedia deur betroubare bronne aan die artikel by te voeg.
Hierdie artikel is in sy geheel of gedeeltelik vanuit die Nederlandse Wikipedia vertaal.