ASPRO-Alliansie

in Wikipedia, die vrye ensiklopedie
Jump to navigation Jump to search

Die ASPRO-Alliansie was 'n informele militêre ooreenkoms, wat in die tydperk tussen 1969 en 1974 tussen die Republiek van Suid-Afrika (onder sy Eerste Ministers H.F. Verwoerd en John Vorster), Rhodesië (onder sy Eerste Minister Ian Smith) en Portugal (onder sy leiers António de Oliveira Salazar en Marcello Caetano) gesluit is. Aspro is 'n akroniem vir die Portugese África do Sul, Portugal en Rodésia.

Die ASPRO-Alliansie het uit die nouer politieke bande tussen die nuutgestigte, maar internasionaal geïsoleerde Republiek van Suid-Afrika met die blanke regering van Rhodesië en Portugal as die koloniale moondheid, wat Angola en Mosambiek oorheers het, voortgespruit.

Die lede van die ASPRO-Alliansie het ooreengekom om gemeenskaplik die militêre basisse in die Suidwes-Afrikaanse Caprivistrook te benut, polisie-eenhede op te lei en strategieë teen terroriste-insypelings en -aanvalle te ontwikkel en deur te voer. Die samewerking van die drie lande was egter nie beperk tot militêre aangeleenthede nie. Daar is ook projekte op die gebied van gesondheidsorg, waterwese, kragopwekking en die lewering van ander infrastruktuur aangepak. Teen die einde van die sestigerjare het ook Lesotho en Malawi daarin belanggestel om met die ASPRO-Alliansie saam te werk.

In 1974, een jaar voor die onafhanklikheidsverklaring van Angola en Mosambiek, is die ASPRO-Alliansie ontbind.

Bronne[wysig | wysig bron]

  • Stephen L. Weigert: Alliances and Regional Integration: The Case of Southern Africa, 1964-1974, twee boekdele, Ann Arbor 1979: University Microfilms International