Aandagstreep

in Wikipedia, die vrye ensiklopedie

Die aandagstreep (–) se doel is om aandag te vestig op die inligting wat ná die eerste aandagstreep volg. Daar is 'n spasie aan weerskante van die aandagstreep.

Aandagstreep

Die aandagstreep en koppelteken (-) se voorkoms én funksie verskil. Volgens die AWS (2017) is die koppelteken korter en word sonder spasies tussen twee woorde geskryf, of met 'n spasie daarna as dit as afbreekteken of weglaatteken gebruik word. Die koppelteken dui ook aan dat die woord, syfer, simbool of afkorting eintlik vas aan die volgende woorddeel geskryf word.

Invoeging en byvoeging[wysig | wysig bron]

  • Die aandagstreep dui 'n parentese aan.

Bv: Die brandstofprys – wat in Oktober die hoogte in skiet – gaan die motoris onder geweldige druk plaas.

  • Die aandagstreep word in die plek van 'n ellipsteken, 'n dubbelpunt of woorde soos naamlik, te wete, byvoorbeeld of soos gebruik.
  • Die aandagstreep word ná 'n aanhaling en voor die outeur se naam gebruik.

Bv: "Afwesigheid is die vyand van liefde en die vriend van vriendskap." – C.J. Langenhoven

Bronne[wysig | wysig bron]

  • Afrikaanse woordelys en spelreëls, 2017. Kaapstad: Pharos

Eksterne skakels[wysig | wysig bron]