Ahmoses, seun van Ebana

Ahmoses, soos uitgebeeld op sy graftombe by El Kab.

Ahmoses, seun van Ebana, het in die Egiptiese weermag gedien onder die farao's Ahmoses I, Amenhotep I en Toetmoses I. Sy outobiografie teen die muur van sy graftombe het ongeskonde bewaar gebly en is ’n waardevolle bron van inligting oor die 17de en vroeë 18de Dinastie van Egipte.

Ahmoses is in die stad Necheb, die moderne El Kab, gebore. Ná die dood van Ahmoses se pa, wat ook in die weermag was, het Ahmoses onder farao Ahmoses I gedien. Hy het aan verskeie veldtogte deelgeneem en medaljes verower. Hy is ook beloon met slawe en ander dinge.

Onder Amenhotep I het hy teen die Nubiërs geveg en is hy weer vir sy dapperheid beloon. Tydens die bewind van Toetmoses I het hy ’n admiraal geword.

Ebana was die naam van Ahmoses se ma, moontlik ’n belangrike vrou. Sy pa se naam was Baba. Paheri, die kleinseun van Ahmoses wat ’n skriba en priester was, het toesig oor die bou van sy graftombe gehou.

Verwysings

• "Biography of Ahmose, son of Ebana" in Ancient Records of Egypt deur James Henry Breasted, Deel 2, seksies 1 tot 24, 38ff en 78ff.[1]
• "The Autobiography of Ahmose Son of Abana" in Ancient Egyptian Literature deur M. Lichtheim, vol.2, pp. 12ff.

Skakels

• Autobiography of Ahmose, in Lepsius, Denkmäler III, 12d.
• Die inskripsies van Ahmoses, seun van Ebana

• Wikimedia Commons het meer media in die kategorie Ahmoses, seun van Ebana.

• Hierdie artikel is in sy geheel of gedeeltelik uit die Engelse Wikipedia vertaal.