Akademie Reformatoriese Opleiding en Studies

Akademie Reformatoriese Opleiding en Studies (Aros) is ʼn Christelike private hoër onderwysinstelling wat onderwysers oplei in Afrikaans. Sedert 1 Junie 2023 is prof. Kobus Mentz die rektor van Aros.

Programme

Aros bied ʼn verskeidenheid van programme aan, insluitend:

• Hoër Sertifikaat Onderwys
• Baccalaureus Educationis (B.Ed) in Grondslagfase
• B.Ed in Intermediêre Fase
• B.Ed in Senior Fase en Verdere Onderwys en Opleiding
• Nagraadse Onderwyssertifikaat
• Honneurs B.Ed in Leerondersteuning
• Honneurs B.Ed in Onderwysbestuur en -leierskap

Die meeste programme word aangebied deur middel van ʼn gekombineerde model van afstandsonderrig en kontaksessies, met ʼn fokus op Afrikaans as onderrigtaal. Ongeveer 43% van die studente is onderwysassistente wat werk terwyl hulle studeer.

Kampus

Die hoofkampus van Aros is geleë in Besembiesieweg 1037, Montanapark, Pretoria. In 2025 is ʼn tweede kantoor in George, Suid-Kaap, geopen.

Filosofie en Missie

Aros is ʼn private, Christelike hoëronderwysinstelling wat roepingsgedrewe studente oplei om die onderwysberoep met kundigheid en integriteit te betree. Die instelling is sterk gegrond in die reformatoriese tradisie, wat die vyf sola’s van die Reformasie – sola Scriptura, sola Gratia, sola Fide, sola Christus, en soli Deo Gloria – beklemtoon.

Eksterne skakels

• Amptelike webwerf