Akromegalie

in Wikipedia, die vrye ensiklopedie
Spring na: navigasie, soek
Akromegalie
Klassifikasie en eksterne bronne
Akromegalie veroorsaak ruimtes tussen die tande van die onderkaak.
Akromegalie veroorsaak ruimtes tussen die tande van die onderkaak.
ICD-10 E22.0
ICD-9 253.0
OMIM 102200
DiseasesDB 114
MedlinePlus   000321
eMedicine med/27derm/593
MeSH D000172
Star of life caution.svg Mediese waarskuwing

Akromegalie verwys na die oortollige groei in spesifieke dele van die liggaam as gevolg van die oorproduksie van groeihormoon in die pituïtêre klier. Die pituïtêre klier is 'n klein kliertjie wat onder die brein voorkom. Gewoonlik kom akromegalie voor omdat daar 'n gewas in die pituïtêre klier groei, maar dit kan selfs gebeur omdat daar 'n gewas in 'n ander deel van die liggaam voorkom wat ook groeihormoon afskei.

Akromegalie verskil van gewone groei in kinders omdat dit gewoonlik groei in pasiënte later in hul lewe veroorsaak.

Liggaamsdele wat deur akromegalie geraak word[wysig | wysig bron]

Die liggaamsdele wat deur akromegalie geraak word is:

  • Interne organe
  • Die tong
  • Hande
  • Voete
  • Gesig, en die
  • Kakebeen

Ander simptome sluit sigverlies, swakheid, sweet en hoofpyne in.

Diagnose[wysig | wysig bron]

Bloedtoetse word gebruik om die diagnose te bevestig, maar CT-skanderings word gebruik om die gewas op te spoor.

Behandeling[wysig | wysig bron]

Mikrochirurgie deur die neus word gedoen om die gewas te verwyder. Indien nodig, word bestraling op die gewas uitgevoer. Die pasiënt moet gewoonlik na chirurgie of bestraling langtermyn hormoonaanvullings gebruik om die hormone wat gewoonlik deur die pituïtêre klier vervaardig word, te vervang.

Behandeling is baie suksesvol, veral in jong volwassenes.