Amoco Cadiz

in Wikipedia, die vrye ensiklopedie
Die Amoco Cadiz aan die sink.

Die Amoco Cadiz was 'n reuse-olietenkskip wat op 16 Maart 1978 gestrand het, vyf kilometer van die kus van Portsall, munisipaliteit Ploudalmézeau, in die noordwestelikste punt van Bretagne (Frankryk). Die tenker was besit deur die Amerikaanse oliemaatskappy Amoco.

Die skip wat onder die Liberiese vlag gevaar het, was van die Persiese Golf na Le Havre in Frankryk onderweg toe dit swaar weer teëgekom het. 'n Geringe stuurprobleem het die skip buite beheer gelaat, waarna dit na die Franse kus gedryf het en op die riwwe langs Portsallbaai gestrand het. As 'n laaste uitweg het die skip probeer anker, maar tevergeefs. Gevolglik het die skip opgebreek en 233 000 ton ru-olie in die see gemors,[1] wat die Engelse Kanaal ernstig besoedel het en die Bretonse strand oor 'n lengte van meer as 300 kilometer ernstig beskadig het. Dit het een van die grootste omgewingsrampe in die geskiedenis geword. Die opruim van die olie het meer as 'n jaar geneem.

Die ramp het gelei tot die bou van 'n vaartuigverkeersbeheertoring op die eiland Ouessant. Sedertdien het die kusreddingsdiens in Brest ook 'n kragtige sleepboot gekry.[2]

Die anker van die Amoco Cadiz, wat meer as 20 ton weeg, is nou as 'n monument by die hawe van Portsall geleë.

Verwysings[wysig | wysig bron]

  1. Winkler Prins Jaarboek 1979, p. 117-119
  2. Dominique Le Brun, Pays d'Iroise, Détours en France, April 2021, p. 38-43