Anno Domini

in Wikipedia, die vrye ensiklopedie
Anno Domini, inskripsie by die Carinthia-katedraal in Oostenryk.
Dionysius Exiguus het Anno Domini-jare uitgevind om die presiese datum van Paasfees te bereken.

Anno Domini (AD) of na Christus (n.C.) beteken "jare van die begin van die Christelike era". Soortgelyk verwys voor Christus (v.C.) na die jare voor die aanvang van die Christelike era.

Die stelsel is in die jaar 525 na Christus deur die monnik Dionysius Exiguus ontwerp om die datum van Paasfees te bereken. Die Ab Urbe Condita-jaartelling was daarvoor in gebruik, wat die jare sedert die stigting van Rome afgetel het.

Die presiese dag en maand, of selfs die jaar van Jesus se geboorte kan egter nie definitief bepaal word nie. Deur onakkurate berekeninge, gebaseer op die Romeinse kalender van Dionysius Exiguus, word steeds aangeneem dat Jesus in die jaar 1 v.C. gebore is. In die evangelies word gebeurtenisse vermeld wat egter nie chronologies klop nie. Matteus stel dat Jesus gebore is terwyl Herodes nog geleef het en al die kinders onder twee jaar doodgemaak is (Matt. 2:16).[1] Herodes sterf egter reeds in 4 v.C. Baie historici het tot die gevolgtrekking gekom dat die jaar 6 v.C. die mees waarskynlike jaar van Jesus se geboorte is.

Verwysings[wysig | wysig bron]