Antjie Somers

in Wikipedia, die vrye ensiklopedie
Jump to navigation Jump to search
Die verhaal van 'n man met 'n sak kom in verskeie kulture voor. In die geval stop Sint Nikolaas 'n stout seun in 'n sak.

Antjie Somers is 'n Suid-Afrikaanse legende van 'n man wat bedags teen die hange van Tafelberg woon, maar hom snags as 'n vrou vermom en in die woonbuurte ronddwaal. Volgens die legende vang hy kinders wat stout is of laat uitbly en dra hulle dan in 'n sak op sy rug weg. Sy naam kom in rympies voor wat aan kinders voorgehou word, soos "Antjie Somers kom jou haal".[1]

Sover bekend het die eerste verwysing na Antjie Somers op 10 Augustus 1866 in The Friend in Bloemfontein verskyn. Die artikel vermeld dat Antjie Somers tydens die bewind van lord Charles Somerset 'n berugte Kaapse struikrower[2] was wat vroueklere aangetrek en snags mense op pad huis toe voorgelê het. Die oorspronklike verhaal het mettertyd vervaag en nuwe stories is vertel om kinders skrik te maak.[3]

'n Ander weergawe is dat Andries (Antjie) 'n baie hardwerkende visserman was. Iemand dryf die spot met hom en hulle raak in 'n skermutselling betrokke. Die persoon val met sy kop op 'n klip en is opslag dood. Andries vermom hom toe in sy suster se rok en kappie. Hy verdwyn en die legende ontstaan van Antjie Somers met haar breë skouers wat eintlik 'n man is, en van alles denkbaar beskuldig word.[4]

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Struikrower: 'n Rower wat langs die pad skuil om reisigers aan te val en te beroof. Uit Ndl. struikrover, waarskynlik so genoem omdat sulke rowers agter struike skuil om hulle slagoffers in 'n lokval te lei.
  3. The first known reference to Antjie Somers, a South African bogy figure, is made in The Friend, sahistory.org.za, besoek op 20 Februarie 2016
  4. Gesinsafdeling: Die verhaal van ANTJIE SOMERS, Landbouweekblad, Maart 2012

Eksterne skakels[wysig | wysig bron]