Charles Somerset

in Wikipedia, die vrye ensiklopedie
Lord Charles Somerset
Charles Somerset

Ampstermyn
1814 – 1826
Voorafgegaan deur John Cradock
Opgevolg deur Richard Bourke (waarn.)

Persoonlike besonderhede
Gebore 2 Desember 1767
Sterf 18 Februarie 1831

Lord Charles Henry Somerset (2 Desember 1767 - 18 Februarie 1831, Brighton) was goewerneur van die Kaap die Goeie Hoop.

Hy was die tweede oudste seun van die hertog van Beaufort (vandaar Suid-Afrikaanse plekname soos Beaufort-Wes, Port Beaufort en Fort Beaufort) en die kleinseun van admiraal Boscawen. Somerset kom op 5 April 1814 in die Kaap aan. Sy ampstermyn was deurentyd stormagtig, hoofsaaklik vanweë sy outokratiese ingesteldheid. Die Britse Laerhuis het gereeld aantygings van uitspattigheid en finansiële onbevoegdheid bespreek. Hy het egter ook opreg in die bevordering van die landbou belang gestel en altyd die 1820-Setlaars in tye van nood bygestaan. Buiten bogemelde dorpe, dra ook Somerset-Wes en Somerset-Oos sy familienaam.

Sy groot stryd teen persvryheid het hom laat swaarde kruis met Thomas Pringle en John Fairbairn, wie se South African Commercial Advertiser hy probeer onderdruk het.

Ná hy na Engeland ontbied is om sy optrede te verduidelik, bedank hy in April 1827 waar hy vier jaar later op 20 Februarie sterf.

Sien ook[wysig | wysig bron]

Bron[wysig | wysig bron]

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.