Apside

Die perigeum (X) en apogeum (Y) van ’n voorwerp (B) in ’n baan om die Aarde (A).

’n Apside, of apsis, is die naaste en verste punt in die elliptiese wentelbaan van een hemelliggaam om ’n ander (meestal groter) een. Die lyn van een apside na ’n ander is die langste as van die ellips, oftewel die apsidelyn.

Om die twee punte te onderskei, word verskillende benamings vir die naaste en die verste punt gebruik, na gelang van die groter liggaam waarom die ander een wentel. ’n Paar voorbeelde is:

Hemelliggaam	Grootste afstand	Kleinste afstand	Oorsprong van naam
Algemene benaming	apoapside, apoapsis	periapside, periapsis	Apside, apsis
’n Voorwerp om die Son	afelium, aphelium	perihelium	Helios (Son)
’n Voorwerp om die Aarde	apogeum	perigeum	Gaia (Aarde)
’n Voorwerp om die Maan	aposintium	perisintium	Sintia (Artemis)
’n Voorwerp om Mercurius	apohermium	perihermium	Hermes
’n Voorwerp om Venus	apokuterium	perikuterium	Kutera, 'n eiland van Afrodite, Venus
’n Voorwerp om Mars	apomartium	perimartium	Mars
’n Voorwerp om Jupiter	apojovium	perijovium	Jupiter, Jove
’n Voorwerp om Saturnus	aposaturnium	perisaturnium	Saturnus
’n Voorwerp om Uranus	apo-uranium	peri-uranium	Uranos
’n Voorwerp om Neptunus	apoposeidium	periposeidium	Poseidon
’n Voorwerp om Ceres	apodemeter	peridemeter	Demeter
’n Voorwerp om ’n ster of dubbelster	apastron	periastron	Astra, Latyn vir "ster"
’n Voorwerp om ’n sterrestelsel	apogalaktikum	perigalaktikum	Galaksias, Grieks vir "sterrestelsel"

Die perigeum van die maan is dus die punt waar dit die naaste aan die Aarde is, en die afelium van die Aarde is die verste punt van die Son af.

Skakels

• Hierdie artikel is vertaal uit die Nederlandse Wikipedia