Atterburyteater

in Wikipedia, die vrye ensiklopedie
Spring na: navigasie, soek
Atterburyteater
'n Beeld van die teater.
Atterburyteater

Plek Pretoria
Land Vlag van Suid-Afrika Suid-Afrika
Sitplekke 400[1]
Geopen 18 Mei 2011
Webtuiste www.atterburyteater.co.za
Die Lynnwood Bridge Retail-ontwikkeling in die agtergrond waarin die Atterburyteater is.

Die Atterburyteater is 'n klassieke konsertsaal met 400 sitplekke, geleë op die hoek van Lynnwoodweg en Daventrystraat in die ooste van Pretoria, as deel van die Lynnwood Bridge Retail-ontwikkeling. Die teater is op 18 Mei 2011 geopen met die musiekblyspel “Stuur Groete aan Mannetjies Roux”. Die geboë ouditorium troon bokant die aangrensende kleinhandelontwikkeling uit en skep sodoende 'n besonderse landmerk in die ooste van Pretoria. Die teater loop op die grondvloer uit op 'n piazza, waar dit deel vorm van die vier aparte kleinhandelgeboue. Studio 3 Architects International, die argitekfirma wat die teater ontwerp het, was in 2012 die Nasionale Wenner van die 8ste Saint Gobain Gypsum International Trophy in die Innovasie-afdeling, vir die gebruik van sekere produkte in die ontwerp van die plafonne in die teater.[2] Dit is deur die Atterbury groep ontwikkel.[3]

Verwysings[wysig | wysig bron]

  1. "Atterbury theatre seating plan 2012" (PDF). Verkry op 4 Oktober 2015. 
  2. "Atterburyteater – Omtrent Ons". Verkry op 4 Oktober 2015. 
  3. "Lynnwood Bridge Shopping Centre". Verkry op 2 Desember 2015. 

Koördinate: 25°45′59″S 28°16′45″O / 25.76639°S 28.27917°O / -25.76639; 28.27917