Audioscrobbler

in Wikipedia, die vrye ensiklopedie
Jump to navigation Jump to search

Audioscrobbler is 'n bedryf, gestig deur Richard Jones, wat gerig is op die analisering van die luistergedrag van mense wat musiek op rekenaars luister. Die Last.fm-projek is tans die enigste projek van Audioscrobbler.

Last.fm[wysig | wysig bron]

'n Skermkiekie van die Last.fm-program terwyl dit gebruik word.
Hoofartikel: Last.fm.

Last.fm is die resultaat van 'n fusie van die oorspronklike Audioscrobblermusieksisteem en www.last.fm. Dit is 'n gratis diens met die doel om data te versamel ten opsigte van mense wat op die diens ingeteken is se luistergewoontes, en dit dan te verwerk in inligting en statistieke. Via spesiale sagteware kan die program die titel en kunstenaar aflei van die musiek wat op 'n digitale mediaspeler op die rekenaar gespeel word, en dit dan in die databasis opskryf. Hierdie gegewens word dan behou en op die Internet gepubliseer, waar verskillende mense deur middel van musieksmaak met mekaar kan kommunikeer. Die webwerf beskik ook oor 'n gesofistikeerde privateboodskapfunksie waarmee enige persoon 'n ander kan kontak. Op hierdie manier word musiek versprei en kan mense in aanraking kom met minder bekende musiek deur te soek na gieliefde genres. Last.fm het in die luistergedrag van miljoene gebruikers baie verandering teweeggebring, en het al 'n Europrix-toekenning ontvang vir beste multimediaprojek.

Die webwerf het oor die jare sterk ontwikkel en bewat tans nie net statistieke oor luistergedrag nie, maar ook 'n Last.fm radio, waarop stasies gekies kan word met betrekking tot 'n ander gebruiker se smake (d.w.s. die luisteraar beluister 'n ander gebruiker se persoonlike radio, of sy eie), verskillende genres, vriendlyste, bure (gebruikers met ooreenkomstige luistergedrag), konsertagendas, groepe (waarby enige persoon kan aansluit), en etikette (onderverdeling in die musiek van 'n bepaalde gebruiker, bv. per genre).

Sagteware[wysig | wysig bron]

Last.fm maak gebruik van sagteware, wat die gebruiker vanaf die webwerf op die rekenaar moet laai en installeer om sodoende die gegewens van die musiekprogram af te lees en aan te stuur na die webwerf. Hierdie sagteware is primêr geskik vir Microsoft se bekende Windows operateurstelsel, Linux, en Apple. Die verskillende mediaspelers wat gebruik kan word is:

Die sagteware werk gewoonlik rustig in die agtergrond, en teen 'n lae gebruik van rekenaarhulpbronne, maar dit kan ook oopgemaak word om van die verskillende funksies, soos Last.fm Radio en inligting rakende die spesifieke lied/kunstenaar, gebruik te maak.

Eksterne skakels[wysig | wysig bron]