Australiese herdershond

in Wikipedia, die vrye ensiklopedie
Australiese Herdershond
Australiese Herdershond

Die Australiese herdershond is 'n honderas wat as 'n werkshond geklassifiseer word en op plase in die Westelike gedeeltes van die Verenigde State van Amerika geteel is. Ondanks die naam, ook bekend as 'n Aussie, het die ras nie sy oorsprong in Australië nie.[1][2] Hulle het hul naam te danke aan die vereenselwiging met die Australiese skaapherders wat na Amerika verhuis het.[1]

Australiese herdershonde het vinnig gewild geword na die groei van Western Riding na die Eerste Wêreldoorlog. Hulle het bekendheid verwerf deur rodeo's, perdeskoue en deur Disney-rolprente wat vir televisie gemaak is.

Dekades lank is hierdie honde deur herders waardeer vir hulle inherente veelsydigheid en opleibaarheid. Ondangs die feit dat hulle bly werk as herdershonde en in herderskompetisies deelneem, het die ras ook aansien verwerf in ander rolle, te danke aan hulle opleibaarheid en begerigheid om te behaag. Hulle besit hoë aansien vir hulle vermoëns in gehoorsaamheidstoetse.

Soos alle werksrasse, het hierdie honde heelwat energie en dryfkrag en benodig gewoonlik 'n werk om te doen. Aussies blink gereeld uit in hondesporte soos honderatsheid ((en) agility), vliegbal ((en) flyball) en honde-frisbee. Hulle is ook baie suksesvol as soek-en-red-honde, ramphonde, snuffelhonde, gidshonde, dienshonde en terapiehonde.

Bowenal is hulle geliefde familiegenote. Aussies kan baie beskermend wees en mag dalk nie van vreemdelinge hou nie. Hulle sal ook probeer om as herder op te tree teenoor enige iets wat beweeg, insluitend mense en alle ander tipes diere.

Verwysings[wysig | wysig bron]

  1. "FCI: Australian Shepherd Short Historical Survey". Geargiveer vanaf die oorspronklike op 7 Mei 2005.
  2. United States Australian Shepherd Association. "About Aussies". Geargiveer vanaf die oorspronklike op 31 Desember 2005. Besoek op 23 November 2014. {{cite web}}: Cite has empty unknown parameter: |accessed= (hulp)
  • Cunliffe, Juliette (2004). The Encyclopedia of Dog Breeds. Parragon Publishing. ISBN.
  • Fogle, Bruce (2000). The New Encyclopedia of the Dog. Dorling Kindersley (DK). ISBN.
  • McCormick, Marla. "Buster Alert".

Rasboeke[wysig | wysig bron]

Eksterne skakels[wysig | wysig bron]

Rasklubs
Inligting
Rasreddingsgroepe (honde vir aanneming)
Hierdie artikel is in sy geheel of gedeeltelik vanuit die Engelse Wikipedia vertaal.