Avro Manchester

in Wikipedia, die vrye ensiklopedie
Jump to navigation Jump to search
Avro Manchester
Avro Manchester ExCC.jpg
Avro Manchester Mk.1A (nota: sien verlengde stertvinne)
Tipe Strategiese bomwerper
Vervaardiger Avro
Ontwerp deur Roy Chadwick
Nooiensvlug 25 Julie 1939
Bekendstelling November 1940
Onttrek 1942
Status Uit diens gestel
Hoofgebruikers Britse Lugmag
Kanadese Lugmag
Vervaardig 1940-1942
Aantal gebou 209
Weergawes Avro Lancaster

Die Avro Manchester is 'n tweemotorige Britse bomwerper wat tydens die eerste drie jaar van die Tweede Wêreldoorlog diens gedoen het. Die vliegtuig het sy nooiensvlug op 25 Julie 1939 voltooi. Die toetsvlieënier was Sam Brown. Die Manchester was ontwikkel na aanleiding van die Britse Lugvaartministerie se spesifikasie P.13/36 wat 'n tweemotorige bomwerper gespesifiseer het wat die nuwe Rolls-Royce Vulture motor moes gebruik.

Die maatskappy Handley Page het ook begin om 'n prototipe te ontwikkel na aanleiding van die spesifikasie, maar onttrek omrede die Vulture motor se ontwikkeling as gevolg van probleme vertraag is. Hulle ontwikkeling is verander na 'n viermotorige bomwerper met Rolls-Royce Merlinmotors wat gelei het tot die suksesvolle Handley Page Halifax.

Die ontwerper, Roy Chadwick, het egter geglo dat die Vulture se probleme opgelos sou word en het voortgegaan met sy ontwikkeling. In Januarie 1940 het die Lugvaartministerie 'n bestelling vir 1200 Manchester Mk 1's geplaas. Die eerste vliegtuie het 5 Group Bomber Command se Handley Page Hampden vervang. Die Manchester se sterkpunt was 'n sterk romp, vergrote bomlading, groter togafstand en beter bewapening. Maar ongelukkig was die Vulture motors nog steeds onbetroubaar en het minder krag gelewer as wat oorspronklik beloof was. Dit het gelei tot hoë verliese van die vliegtuig asook bemannings wat gesterf het tydens opleidingsvlugte. Dit het gelei tot die kansellering van die Vulture projek nadat slegs 209 vliegtuie afgelewer is; 64 is verloor tydens vlugte en 12 tydens opleidingsvlugte.

Die laaste vlug van die vliegtuig was op 25/6 Junie 1942 toe Bremen gebombardeer is.

Met die ondervinding wat Avro opgedoen het met die Manchester, het hulle voortgegaan om 'n viermotorige bomwerper te ontwikkel wat Rolls-Royce Merlinmotors sou gebruik. Dit het uiteindelik bekend gestaan as die suksesvolle Avro Lancaster.

Tegniese besonderhede[wysig | wysig bron]

Avro Manchester
Besonderhede van die Avro Manchester MK I:
Item Statistiek
Aantal motors 2
Tipe motor Skroef
Vervaardiger Rolls-Royce Vulture 24-silinder suierenjin
Kraglewering per motor 1760 perdekrag
Vlerkspan 27,46 m
Lengte 21,34 m
Hoogte 5,94 m
Vlerkoppervlakte 105,63 m2
Maksimum opstygmassa 25,424 kg
Maksimum snelheid 426 km/h op 3505 m
Operasionele hoogte 5 795m
Togafstand 2 623km
Bewapening Agt 7.7 mm Browning-masjiengewere
Bomvrag van 4699 kg

Bron[wysig | wysig bron]