Baie-Comeau
Baie-Comeau | |
|---|---|
Stad | |
 Hôtel Le Manoir | |
 Ligging van Baie-Comeau in Manicouagan | |
  Baie-Comeau Ligging van Baie-Comeau in Manicouagan | |
| Koördinate: 49°13′55″N 68°12′44″W / 49.23194°N 68.21222°W | |
| Land | .svg){kind=small} Kanada |
| Provinsie | Quebec |
| Region | Côte-Nord |
| Regionale County | Manicouagan |
| Stigting | 1936 |
| Stadstatus | 20 Mei 1937 |
| Regering | |
| • Burgemeester | Claude Martel |
| Oppervlak | |
| • Land | 338,99 km2 (130,88 vk. myl) |
| • Stedelik | 432 km2 (166,8 vk. myl) |
| • Metro | 1,137,27 km2 (439,1 vk. myl) |
| Hoogte | 21,6 m (70,87 ft) |
| Bevolking | |
| • Stad | 22 006 |
| • Digtheid | 50,9/km2 (131,9/vk. myl) |
| • Stedelik | 9 917 |
| • Stedelike digtheid | 877,9/km2 (2 274/vk. myl) |
| • Metro | 28 789 |
| • Metrodigtheid | 25,3/km2 (66/vk. myl) |
| Tydsone | UTC-05:00 (EST) |
| • Somertyd | UTC-04:00 (EDT) |
| Poskode | G4Z, G5C |
| Skakelkodes | 418, 581 |
| Webwerf | ville.baie-comeau.qc.ca |
Baie-Comeau is die belangrikste nywerheidsentrum aan die Côte-Nord (noordkus) van die Région de Manicouagan (Noordoos-Quebec, Kanada), sowat 420 kilometer noordoos van Ville de Québec (Quebecstad). Dit is die geboortedorp van die gewese Eerste Minister van Kanada, Brian Mulroney, wat hier ook vlot Frans leer praat het.
Baie-Comeau, wat teen die Manicouaganrivier en die Sint-Laurensrivier lê, is in 1937 deur die eienaar van die Amerikaanse koerant Chicago Tribune, Colonel Robert R. McCormick, as 'n sentrum vir die vervaardiging en uitvoer van papier gestig. Die dorpsnaam is ter nagedagtenis van die plaaslike natuurkundige Napoléon-Alexandre Comeau gekies.
Die huidige stad met sowat 22 000 inwoners is sedert 1982 'n samesmelting van die dorpe Hauterive en Baie-Comeau en die kernstad van die Municipalité régionale de comté (MRC) de Manicouagan met sy ag munisipaliteite (daar is ook 'n outogtone nedersetting). Soos elders in Quebec is die bosboubedryf en papiernywerheid van die belangrikste werkgewers in die gewes. Goedkope energie van Hydro-Québec se komplekse maak Baie-Comeau 'n geskikte plek vir die aluminiumnywerheid van Alcoa, die grootste vervaardiger van hierdie metaal in Kanada. Die dorp beskik oor 'n hawe.
In die gebied van Baie-Comeau begin die natuur asembenemende dimensies aanneem. Die Sint-Laurensrivier word hier wyer en begin 'n golf vorm terwyl die Manicouaganrivier met die reusagtige Daniel-Johnsondam (met die kragstasie Manic 5) van Hydro-Québec kan spog. Baie-Comeau is 'n gunstige vertrekpunt vir uitstappies na die hidroëlektriese kompleks van Manic-Outardes. Strande is deel van die natuurskoon, en die water bereik in die somer temperature van sowat 20 °C.
Die Route 138 Est (Grootpad 138 Oos) verbind Baie-Comeau met die dorpe langs die Sint-Laurensrivier. Godbout is 'n paradys vir hengelaars en bied met sy museum bowendien die moontlikheid om 'n indruk van die kuns van die Eerste Nasies en Inuït te kry. Naby Pointe-des-Monts bereik die Sint-Laurensrivier uiteindelik golfbreedte. Talle skepe het hier op die rotsbanke vergaan, en hul wrakke lê verstrooi rondom Quebec se oudste vuurtoring.