Barbie

in Wikipedia, die vrye ensiklopedie
Spring na: navigasie, soek
Barbie
’n Beeld van die betrokke karakter.
Kenteken van Barbie

Skepping
Eerste verskyning 9 Maart 1959
Geskep deur Ruth Handler
Inligting
Spesie Mens
Geslag Vroulik
Beroep verskeie
Nasionaliteit Vlag van Verenigde State van Amerika Verenigde State
'n Barbie-pop
Die Barbie-mosaïek van Hans van Houwelingen op Mooierplein in Amersfoort.

Barbie (handelsnaam) is 'n gewilde pop in die vorm van ’n slanke jong meisie met ’n groot verskeidenheid modieuse klere.[1] Die poppe word deur die Amerikaanse speelgoedfabrikant Mattel vervaardig. Die eerste Barbie-poppe (die "Barbie Ponytail") is in Maart 1959 uitgebring. Dogtertjies kon tussen die blonde en brunet-weergawes kies.

Geskiedenis[wysig | wysig bron]

Ruth Handler, een van die stigters van Mattel, het gesien hoe haar dogter Barbara met papier-aantrekpoppe speel. Dit gee haar die idee om so 'n pop in 3D te maak. Sy reis in 1956 deur Switserland, waar sy die die pop Lilli aantref, wat deur 'n Duitse vervaardiger gemaak is. Mattel het besluit om die regte te koop, en 'n soortgelyke pop in die Verenigde State van Amerika uit te bring.

Die modeontwerper Charlotte Johnson het die eerste kleertjies vir die pop gemaak. Die pop het die naam Barbie gekry, genoem na die troetelnaam van Handler se dogter, omdat sy die inspirasie vir die pop was. Barbie se volle naam is Barbara Millicent Roberts (na die reklame-agentskap Carson and Roberts wat destyds 'n groot rol in die bevordering van Barbie gespeel het).

Barbie se "geboortedatum" is 9 Maart 1959. Op hierdie dag is die poppe aan kopers by die "Toy Fair" van 1959 bekendgestel. In dieselfde jaar is met massaproduksie begin.

Barbies se manlike ekwivalent, Ken, so vernoem na Kenneth (Ruth Handler se seun), het twee jaar later die lig gesien. Die Afro-Amerikaanse pop Christie het in 1968 gevolg, en in 1997 is Becky vrygestel, wat in 'n rolstoel sit.

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]