Klere

in Wikipedia, die vrye ensiklopedie
Spring na: navigasie, soek
Baba in warm klere toegedraai.

Klere of kleding is die bedekking wat mense oor hulle liggame dra om hulle naaktheid te bedek. Mense is die enigste diere wat klere dra. Verskillende kledingstukke word gebruik om verskillende dele van die liggaam te bedek. So kan die lyf met 'n hemp of rok, arms met moue, bene met 'n langbroek of romp, hande met handskoene, voete met kouse en die kop met 'n hoed of mus bedek word. Klere word van verskeie materiale vervaardig. Katoen, wol, leer en poliëster word dikwels hiervoor ingespan.

Alle mense dra klere. Tydens kouer klimaat dra mense gewoonlik meer klere om hulle teen die koue te beskerm. Mense in warm tropiese lande dra soms klere om die warm son af te weer. Klere kan ook vir beskerming gedra word, en kan selfs mense teen insek- en slangbyte beskerm. Klere word ook soms vir modieuse redes of as 'n statussimbool gedra.

Klere oor die eeue heen.

Bybehore soos beursies, kieries, juwele, brille en sambrele word nie as klere beskou nie.

Geskiedenis[wysig]

Dit is bykans onmoontlik om te bepaal hoe lank mense al klere dra. Die bestudering van luise dui daarop dat die luise wat in klere leef ongeveer 107 000 jaar gelede van kopluise ontstaan het.[1][2][3] Klere moes dus daai tyd reeds in gebruik gewees het. 'n Ander teorie is dat die moderne mense die enigste oorlewendes van verskeie spesies van primate is wat klere kon gedra het [4] en dat klere so lank as 650 duisend jaar gelede reeds in gebruik was. Ander luis-gebaseerde beramings stel die tydperk op ongeveer 42,000-72,000 v.C.[5]

Verwysings[wysig]

  1. Ralf Kittler, Manfred Kayser & Mark Stoneking (2003). “Molecular evolution of Pediculus humanus and the origin of clothing” (PDF). Current Biology 13 (16): 1414–1417. DOI:10.1016/S0960-9822(03)00507-4.
  2. Stoneking, Mark. “Erratum: Molecular evolution of Pediculus humanus and the origin of clothing”. URL besoek op 24 Maart 2008.
  3. "...Lice Indicates Early Clothing Use ...", Mol Biol Evol (2011) 28 (1): 29-32.
  4. Reed, David (2007). Pair of lice lost or parasites regained: The evolutionary history of Anthropoid primate lice. BMC Biology. 
  5. Naked ape: Humans lost body hair long before finding clothes”. 2003-08-20. URL besoek op 2012-03-13.
Commons-logo.svg
Wikimedia Commons het meer media verwant aan:
Klere (kategorie)