Beamish Museum

in Wikipedia, die vrye ensiklopedie
Jump to navigation Jump to search

BeamishEntrance.jpg

Beamish

The Living Museum of the North


Ligging

Beamish naby Stanley
Graafskap Durham
Vlag van Engeland Engeland


Stigting

1970


Direkteur

Richard Evans


Webtuiste
beamish.org.uk

Beamish, The Living Museum of the North is 'n opelugmuseum in Beamish naby Stanley in die Engelse graafskap Durham. Die primêre doel van die museum is om 'n indruk te gee van die alledaagse lewe in stedelike en landelike streke van Noordoos-Engeland op die hoogtepunt van die industrialisering in die vroeë 20ste eeu.

Baie van die museum se restorasiewerk en vertonings is aan die laat Victoriaanse en die Edwardiaanse tydperk gewy, terwyl besoekers ook 'n indruk kry van die plattelandse lewe onder die invloed van die nywerheidsomwenteling in omstreeks 1825. Die museum maak op sy terrein van 120 hektaar (300 akkers) gebruik van 'n mengsel van geboue wat uit ander dele van Engeland hierheen verskuif is, asook oorspronklike plaaslike strukture en geboue wat herbou is; 'n groot versameling van voorwerpe, werkende voertuie en toerusting; asook vee en personeel in historiese kleredrag.

Aan die museum is sedert sy opening in 1972 'n reeks pryse toegeken, waaronder dié van Europese Museum van die Jaar in 1987,[1] terwyl dit ook as voorbeeld vir ander "lewende museums" gedien het. Naas sy funksie as opvoedkundige bron lewer die museum ook 'n belangrike bydrae tot die bewaring van tradisionele Noord-Engelse en skaars veerasse.

Verwysings[wysig | wysig bron]

Eksterne skakels[wysig | wysig bron]