Victoriaanse tydperk

in Wikipedia, die vrye ensiklopedie
Spring na: navigasie, soek
Koningin Victoria, na wie die Victoriaanse tydperk genoem is.

Die Victoriaanse tydperk van die Verenigde Koninkryk van Groot-Brittanje en Ierland was die tydperk van koningin Victoria van die Verenigde Koninkryk se bewind van Junie 1837 tot Januarie 1901.[1] Dit was ’n lang periode van vooruitgang vir die Britse volk. ’n Groot, welopgevoede middelklas het ontstaan danksy profyte van die oorsese gebiede van die Britse Ryk sowel as van nywerheidsontwikkelings tuis.

Die tydperk is voorafgegaan deur die Georgiaanse tydperk en opgevolg deur die Edwardiaanse tydperk. Die laaste helfte van koningin Victoria se tydperk stem rofweg ooreen met die eerste deel van die Belle Époque van kontinentale Europa.

Die tydperk word dikwels vereenselwig met lang periodes van vrede, bekend as die Pax Britannica, asook ekonomiese, koloniale en industriële versterking wat tydelik onderbreek is deur die Krimoorlog, hoewel Brittanje in dié tyd elke jaar in ’n oorlog gewikkel was. Teen die einde van die eeu het die beleidsrigtings van Nieu-imperialisme gelei tot koloniale konflikte en eindelik die Anglo-Zanzibar-oorlog en die Anglo-Boereoorlog.

Die bevolking van Engeland het in dié tyd feitlik verdubbel van 16,8 miljoen in 1851 tot 30,5 miljoen in 1901.[2] Ierland se bevolking het egter drasties verminder, van 8,2 miljoen in 1841 tot minder as 4,5 miljoen in 1901.[3]

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Swisher, Clarice, ed. Victorian England. San Diego, CA : Greenhaven Press, 2000.
  2. The UK population: past, present and future, statistics.gov.uk
  3. Ireland - Population Summary

Verdere leesstof[wysig]

  • Altick, Richard Daniel. Victorian People and Ideas: A Companion for the Modern Reader of Victorian Literature. W.W. Norton & Company: 1974. ISBN 0-393-09376-X.
  • Burton, Antoinette (editor). Politics and Empire in Victorian Britain: A Reader. Palgrave Macmillan: 2001. ISBN 0-312-29335-6.
  • Gay, Peter, The Bourgeois Experience: Victoria to Freud, 5 volumes, Oxford University Press, 1984-1989
  • Janowski, Diane, Victorian Pride - Forgotten Songs of America, 6 volumes, New York History Review Press, 2007-2008.
  • Flanders, Judith. Inside the Victorian Home: A Portrait of Domestic Life in Victorian England. W.W. Norton & Company: 2004. ISBN 0-393-05209-5.
  • Mitchell, Sally. Daily Life in Victorian England. Greenwood Press: 1996. ISBN 0-313-29467-4.
  • Wilson, A. N. The Victorians. Arrow Books: 2002. ISBN 0-09-945186-7

Eksterne skakels[wysig]