Beskrywing

in Wikipedia, die vrye ensiklopedie
Jump to navigation Jump to search

Beskrywing is 'n ontwikkelingspatroon wat 'n woordprentjie van 'n voorwerp, 'n persoon, 'n situasie of 'n reeks gebeure skep. Saam met eksposisie, redenering en vertelling is dit een van die vier retoriese metodes (ook bekend as vorms van diskoers). Elkeen van die retoriese metodes kom in 'n verskeidenheid vorms voor en elk beskik oor 'n eie doel en konvensies. Beskrywing as handeling kan met dié van definisie verbind word. Beskrywing is ook die fiksieskryf-metode vir die oordra van 'n gedagtebeeld van die besonderhede van 'n storie.[verwysing benodig]

As fiksieskryf-metode[wysig | wysig bron]

Fiksie is 'n tipe narratief, een van die vier retoriese diskoersmetodes. Daar is ook fiksieskryf-metodes: handeling, eksposisie, beskrywing, dialoog, opsomming en oorgang.[1] Die outeur Peter Selgin verwys na metodes, wat handeling, dialoog, denke, opsomming, tonele en beskrywing insluit.[2] Binne die skryfgemeenskap is daar nog nie konsensus oor die hoeveelheid en samestelling van fiksieskryf-metodes en hulle gebruike nie.

Beskrywing as fiksieskryf-metode word gebruik om 'n "prentjie" van die besonderhede van 'n verhaal oor te dra. Saam met dialoog, vertelling, eksposisie en opsomming, is beskrywing een van die fiksieskryf-metodes wat die meeste erkenning geniet. Volgens Writing from A to Z, (red. Kirk Polking) is beskrywing meer as die opgaar van besonderhede; dit maak 'n verhaal lewendig deur woorde en frases versigtig te kies en te rangskik om die gewenste effek te verkry.[3] Die mees gepaste en effektiewe tegnieke vir die aanbieding van 'n beskrywing bly 'n kwessie van bespreking onder skrywers en skryfafrigters.

Mooiskrywery[wysig | wysig bron]

In literatuurkritiek verwys mooiskrywery na 'n gedeelte of soms 'n hele werk wat so hoogdrawend, opgesmuk of bloemryk geskryf is dat dit die vloei onderbreek en die aandag op die taal self vestig. Mooiskrywery is meer sintuiglik evokatief as wat die konteks vereis. Dit verwys ook na 'n manier van skryf wat sekere retoriese effekte soos oordrewe sentiment of patos gebruik om 'n leser se respons te manipuleer.[verwysing benodig]

Filosofie[wysig | wysig bron]

Wat filosofie betref, is die aard van beskrywing sedert Bertrand Russell se klassieke tekste 'n belangrike vraag.[4]

Fisika[wysig | wysig bron]

Die woord deon word dikwels uitruilbaar met die woord wetenskaplike teorie gebruik.[verwysing benodig]

Sien ook[wysig | wysig bron]

Aantekeninge[wysig | wysig bron]

  1. Morrell (2006), p. 127
  2. Selgin (2007), p. 38
  3. Polking (1990), p. 106
  4. Ludlow, Peter (2007), Descriptions, Stanford Encyclopedia of Philosophy, http://plato.stanford.edu/entries/descriptions/ 

Verwysings[wysig | wysig bron]

  • Rozakis, Laurie (2003). The Complete Idiot's Guide to Grammar and Style, 2nd Edition. Alpha. ISBN 978-1-59257-115-4
  • Marshall, Evan (1998). The Marshall Plan for Novel Writing. Cincinnati, OH: Writer's Digest Books. p. 143–165. ISBN 1-58297-062-9. 
  • Morrell, Jessica Page (2006). Between the Lines: Master the Subtle Elements of Fiction Writing. Cincinnati, OH: Writer's Digest Books. p. 127. ISBN 978-1-58297-393-7. 
  • Polking, Kirk (1990). Writing A to Z. Cincinnati, OH: Writer's Digest Books. ISBN 0-89879-435-8. 
  • Selgin, Peter (2007). By Cunning & Craft: Sound Advice and Practical Wisdom for fiction writers. Cincinnati, OH: Writer's Digest Books. p. 38. ISBN 978-1-58297-491-0. 

Eksterne skakels[wysig | wysig bron]