Bespreking:Binêre getallestelsel

in Wikipedia, die vrye ensiklopedie
Jump to navigation Jump to search

Hersturkturering en konsolidering[wysig bron]

Ek het dit om my geneem en die artikel geherstruktureer. Die verband om van binêr na desimaal om te skakel was nie verklaar nie en nadat dit bygevoeg is was die stukkies inligting erg verbrokkel en versprei deur die artikel.

Ek het ook gepoog om eers die "konsep" van binêre getalle af te handel voordat die toepassings, soos dit algemeen gebruik word in rekenaars, behandel word.

Verdere byvoegings behoort ook binêre operasies en binêre logika in te sluit OF as deel van hierdie artikel OF as aparte artikels. --Arnobarnard 14:34, 28 September 2006 (UTC)

Ek het nie nou die oorspronklike met die nuwe weergawe vergelyk nie, maar die nuwe weergawe is vir my duidelik (maar dalk beïnvloed my bestaande kennis my oordeel :-) Dankie vir die moeite. --Alias 14:43, 28 September 2006 (UTC)

Woord[wysig bron]

Ek dink die terminologie omtrent "woord" vereis 'n nader verklaring: In die algemene geval is 'n woord die lengte van 'n masjieneregister. Binnen die IBM-PC was 'n woord 16 bisse omdat die 8086 16-bis registers had, en is 32 bisse dus 'n dubbelwoord. Hierdie terminologie is gehandhaafd toen oorgeskakel is op 32- en 64-bis verwerkers.

Programmeurs van 68000 en ARM-verwerkers sal 'n woord egter altyd as 32 bisse sien. Danielm 10:44, 17 Augustus 2006 (UTC)

Alternatiewe sinskonstruksie[wysig bron]

Omdat hierdie 'n tegnies moeilike onderwerp is, kan leessukses behaal word met korter sinne. Daar is ook 'n ongelukkige omgaan met die meervoudsvorm "twee statusse" wat herskryf moet word. Onderstaande voorstel word eers in die besprekingsblad geopper ten einde te verhoed dat wysigings die feitelike inhoud foutief weergee.

My voorstel is dat die inleidingsparagraaf soos volg lees:

'n Binêre getallestelsel is enige getallestelsel wat geënkodeer word as 'n reeks binêre syfers. Dié syfers word weens konvensie gewoonlik voorgestel as 1 ('waar') of 0 ('vals'). Daar bestaan egter ander konvensies wat dié waardes omruil of heeltemal anders voorstel. Binêre getallestelsels is uitstekend gepas vir digitale gebruike en dit word in feitlik elke rekenaarstelsel gebruik.

Onder die eerste opskrif moet die eerste paragraaf soos volg lees:

'n Bis - Bi(nêre) s(yfer) - (Engels: "bit") is die mees basiese vorm van inligting in binêre stelsels. Die status van enige bis is alternatiewelik 'Aan' en 'Af'. Hierdie status word deur... (die res is in orde)...

Onder die tweede opskrif moet die tweede paragraaf gewysig word:

Die vergelyking tussen 'n binêre getal en 'n desimale getal is soos volg, met 'n greep (die mees algemene vorm van 'n binêre getal) en sy desimale ekwivalent:

In die slotparagraaf moet vanaf die tweede sin wysiging plaasvind:

Die '2' in die vergelyking is 'n voorstelling van die alternatiewe status ('aan/af') van 'n databis. Die grootste getal is dus die maksimum aantal kombinasies wat verkry kan word deur x aantal bisse.

Die binêre getallestelsel is dieselfde vir 8-, 16-, en 32-bis getalle, of vir enige aantal databisse.

Die aantal kombinasies wat met 'n 16-bis getal verkry kan word is bloot groter as 'n 8-bis getal.

Kommentaar?--GerharBe 12:48, 17 Augustus 2006 (UTC)