Bespreking:Mercurius (planeet)

in Wikipedia, die vrye ensiklopedie
Jump to navigation Jump to search

Haai Renier,

Ek wonder nou nogal oor die verwydering van die planeetsimbole. Mens moet definitief sensitief bly vir dié wat nie die karakters kan sien nie. (Ek vermoed my huidige opstelling by die huis sal moontlik nie dit korrek vertoon nie.) Nou met die prentjie in plek, kan ek in elkgeval niks sien nie, want ek blaai gewoonlik sonder prentjies. Altwee dinge het maar nadele, maar vir my is daar een groot voordeel aan om wel die karakters te gebruik: swaksiendes. Met my blaaier kan ek die teks vergroot, en karakters vergroot saam, terwyl prentjies nie (sover ek weet) in enige blaaier vergroot word nie. Verder is kanse vir swak teksuitleg baie makliker tussen verskillende blaaiers as 'n prentjie inlyn gebruik word. Dit is natuurlik wel wat in sekere gevalle vir die wikunde gebruik word, en miskien sal alles uiteindelik opgelos word as ons kan begin om SVG-beelde te gebruik. Maar dit is seker nog 'n jaar of wat weg. Ek dink die beste in gevalle soos hierdie is om die gebruik van buitengewone karakters te beperk tot een plek in 'n artikel (indien moontlik) en dan 'n kennisgewing met 'n sjabloon te los wat verduidelik hoekom dit dalk nie werk nie en waar om die nodige skriftipes af te laai. Ek dink EN gebruik bv. so-iets vir IPA-goeters wat uitspraak verduidelik. Hoe voel mense hieroor? --Alias 12:28, 9 November 2005 (UTC)