Bets Basson

in Wikipedia, die vrye ensiklopedie
Jump to navigation Jump to search

Bets Basson is 'n Suid-Afrikaanse skrywer en is in 1934 gebore.

Lewe en werk[wysig | wysig bron]

Sy studeer aan die Heidelberg Onderwyskollege, waar sy in 1954 'n Onderwysdiploma verwerf. Daarna hou sy skool by die Laerskole Aucklandpark, Unika, Hugenoot, Richmond en laastens by Trap der Jeugd in Vrededorp in Johannesburg, waar sy vanaf 1980 tot 1984 die hoof is. Intussen studeer sy verder en behaal in 1960 die Lisensiaat in Drama en Spraakopleiding aan die Universiteit van Suid-Afrika en in dieselfde jaar 'n verdere Onderwysdiploma in Minimale breindisfunksie en Spesiale Onderwys by die Onderwyskollege vir Verdere Opleiding. Vanaf 1960 tot 1995 bedryf sy haar eie geregistreerde ateljee in Drama-onderwys en met hierdie ateljee verower sy talle diplomas en trofeë. Vanaf 1984 is sy betrokke by en vanaf 1987 tot 1994 is sy die hoof van die Johannesburg College of Education se sentrum vir hoogs begaafde leerlinge. In hierdie kapasiteit doen sy baanbrekerswerk vir die erkenning van Drama as 'n sewende vak op skoolvlak.[1]

Sy is vanaf 1960 lid van die Uitvoerende Raad van die Suid-Afrikaanse Gilde vir spraak en drama onderwysers, waar sy vanaf 1985 lid is van die uitvoerende raad en tussen 1990 en 1992 voorsitter is van die Raad. Hier is sy 'n stigterslid en kurrikulumbeplanner van die Gilde se Lisensiaat wat aangebied is deur Wits Technikon. In 1986 is sy 'n stigterslid (later erelid) en voorsitter van die Raad van Afrikaanse Beoordelaars; vanaf 1970 eksaminator by die Suid-Afrikaanse Gilde vir Spraak- en Drama-Onderwys en nasionale koördineerder van Mondelinge Kommunikasie en Vertolkingskunde; en vanaf 1970 is sy beoordelaar van kunswedstryde, toneelfeeste en redenaarskompetisies. Sy is ook vanaf 1970 tot 1995 betrokke by die regie van skoolleerlinge en studente se drama-opvoerings. Van 2004 tot 2009 is sy regisseur van verskeie opvoerings van Herman Charles Bosman se werk by die Grahamstad Nasionale Kunstefees, insluitende “A leopard, a tree, Bosman, you & me”, “Chocolate”, “Bosman’s women”, “Wild & fragrant” en "Bosman's veld maiden".[2]

Skryfwerk[wysig | wysig bron]

Sy publiseer “Vyf en sewentig monoloë” en “Vyf en veertig samesprake”, met beide versamelings wat in ouderdomsgroepe opgedeel is en stukke bevat wat op die verhoog maar ook in die klaskamer opgevoer kan word. [3]

Publikasies[wysig | wysig bron]

  • 1988 Grimeer is pret
  • 1991 Vyf en sewentig monoloë
  • 1992 Vyf en veertig samesprake

Verwysings[wysig | wysig bron]

  1. Van Coller, H.P. (red.) “Perspektief en Profiel Deel 2” J.L. van Schaik-Uitgewers Pretoria Eerste uitgawe 1999
  2. Barbie Meyer: http://www.barbiemeyer.com/my-director.php
  3. Google Books: https://www.google.co.za/search?tbo=p&tbm=bks&q=inauthor:%22Bets+Basson%22