Universiteit van Suid-Afrika

in Wikipedia, die vrye ensiklopedie
Spring na: navigasie, soek
Universiteit van Suid-Afrika
UNISA Main Campus in Pretoria.jpg
Die Universiteit van Suid-Afrika

Leuse: Spes in arduis
Leuse in Afrikaans: Hoop teen die steiltes[1]
Gestig: 26 Junie 1873
Tipe: Openbare universiteit met afstandsonderrig
Kanselier: Regter Bernard Ngoepe
Personeel: 5 575 (2011)
Studentetal: 328 179 (2011)
Ligging: Pretoria, Gauteng
25°46′02″S 28°11′58″O / 25.76722°S 28.19944°O / -25.76722; 28.19944Koördinate: 25°46′02″S 28°11′58″O / 25.76722°S 28.19944°O / -25.76722; 28.19944
Webtuiste: unisa.ac.za
Unisa se Muckleneuk-kampus in die nag.

Die Universiteit van Suid-Afrika is 'n universiteit in Pretoria, Gauteng, wat deur afstandsonderrig opleiding aan studente binne en buite Suid-Afrika verskaf. Die universiteit staan ook bekend as Unisa (Universiteit van Suid-Afrika). Dit was die eerste universiteit ter wêreld wat opleiding deur middel van korrespondensie verskaf het. In Junie 2002 het die universiteit 137 000 ingeskrewe studente vanoor die hele wêreld gehad, wat beteken dat hy die grootste universiteit in Afrika is. Volgens 'n peiling in 2010, was Unisa die agtste beste universiteit in Suid-Afrika, en die 1290e in die wêreld.[2]

Geskiedenis[wysig | wysig bron]

Die Universiteit van die Kaap die Goeie Hoop is in 1873 gestig. Na uniewording is dit in 1916 in die huidige Universiteit van Suid-Afrika omskep. In die 1940's het die behoefte aan afstandsonderrig ontstaan. In 1951 kom Unisa as 'n suiwer eksterne universiteit tot stand.

Wapen[wysig | wysig bron]

Koning Edward VII het in 1903 'n heraldiese wapen aan die universiteit verleen. Dit is in 1904 by the College of Arms in Londen geregistreer : In goud, 'n anker met kabel dwarsbalksgewys geplaas en daaroorheen 'n oop boek waarop die woorde SPES IN ARDUIS, alles van natuurlike kleur; in die skildvoet 'n gekanteelde muur van natuurlike kleur belaai met 'n goue ring: op 'n rooi skildhoof 'n roos van silwer, geknop, gepunt en omgewe deur stralekrans, alles van natuurlike kleur en vergesel van twee goue ringe.[3]

Die wapen is in 1955 by die Departement van Binnelandse Sake en in 1983 by die Buro vir Heraldiek geregistreer. Nadat 'n paar wysigings aangebring is is dit in 1986 weer by die Buro geregistreer. Die wysigings was (a) die woorde is van die boek na 'n krul onder die skild verskuif, (b) die goue stralekrans is verwyder, en (c) 'n helmteken bestaande uit 'n anker vergesel van 'n goue ring en 'n silwer roos is bygevoeg.[4]

Verwysings[wysig | wysig bron]

  1. Lubbe, W.J.G. 1974. Latyn vir regte. Deel 1. Pretoria:Universiteit van Suid-Afrika, bl. 22
  2. Top Africa”. Ranking Web of World Universities. URL besoek op 26 February 2010.
  3. Boucher, M. (1973). Spes in Arduis.
  4. National Archives of South Africa : Data of the Bureau of Heraldry.

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: