Better Residents Association

in Wikipedia, die vrye ensiklopedie
Jump to navigation Jump to search

Die Better Residents Association (voorheen die Bushbuckridge Residents Association) is 'n klein Suid-Afrikaanse politieke party wat deur ontevrede lede van die African National Congress gevorm is.

Dit beoog om die inwoners van die Bushbuckridge-streek in Mpumalanga te dien.

Verkiesingsuitslae[wysig | wysig bron]

Die party het sy eerste setels op plaaslike regeringsvlak in die Suid-Afrikaanse munisipale verkiesing van 2011 gewen, en na die 2016 munisipale verkiesings setels in die Bushbuckridge en Bela-Bela plaaslike munisipaliteite bekom.[1]

Die party het ook in die nasionale verkiesing van 2014 in die Mpumalanga provinsiale wetgewer een setel gewen. In die verskiesing het die party 15 271 stemme gekry maar geen nasionale setel nie. Die party het aan die Suid-Afrikaanse algemene verkiesing van 2019 deelgeneem.

Nasionale verkiesings[wysig | wysig bron]

Verkiesing Stemme % Setels
2019[2] 9 179 0,05 0
2014 15 271 0,08 0

Vigilantisme[wysig | wysig bron]

In Februarie 2017 het die party se president, Delta Mokoena, begin om sy 10-jaartronkstraf vir vigilantisme uit te dien. Hy is in 2013 skuldig bevind weens die dreigement om 'n inwoner en sy huis aan die brand te steek as die man, wat hy daarvan beskuldig het dat sy seun 'n dief is, nie die gebied verlaat nie. Die party word daarvan beskuldig dat dit 'n skrikbewind gevoer het, van boendoe-howe gebruik gemaak het, vermoedelik misdadigers gemartel het en inwoners verban het wat daarvan beskuldig is dat hulle hekse of Sataniste is.[3]

Verwysings[wysig | wysig bron]

  1. "Results Summary - All Ballots" (PDF). elections.org.za. Besoek op 11 Augustus 2016.
  2. "NPEDashboard" (in Engels). Geargiveer vanaf die oorspronklike op 19 Januarie 2020. Besoek op 11 Mei 2019.
  3. sama Yende, Sizwe. "President of 'vigilantic' political party jailed for intimidation". news24.com (in Engels). City Press. Geargiveer vanaf die oorspronklike op 25 Februarie 2017.
Hierdie artikel is in sy geheel of gedeeltelik vanuit die Engelse Wikipedia vertaal.