Birdman (rolprent)
| Birdman | |
|---|---|
| Regisseur | Alejandro González Iñárritu |
| Produksieleier | Alejandro González Iñárritu John Lesher Arnon Milchan James W. Skotchdopole |
| Draaiboek | Alejandro González Iñárritu Nicolás Giacobone Alexander Dinelaris Jr. Armando Bó |
| Met | |
| Musiek deur | Antonio Sánchez |
| Kinematografie | Emmanuel Lubezki |
| Redigeerder | Douglas Crise Stephen Mirrione |
| Ateljee | Regency Enterprises New Regency M Productions |
| Verspreider | Fox Searchlight Pictures |
| Uitgereik | 27 Augustus 2014 |
| Speeltyd | 119 min |
| Land |  Verenigde State |
| Taal | Engels |
| IMDb-profiel | |
Birdman, of The Unexpected Virtue of Ignorance, is 'n Amerikaanse satiriese swartkomediedrama van 2014 vir televisie wat deur Alejandro González Iñárritu geregisseer is. Die hoofakteurs sluit in Michael Keaton as 'n Hollywood-akteur wat beter dae gesien het en bekend is vir die vertolking van 'n superheld met die naam Birdman.
Die prent gaan oor sy stryd om 'n terugkeer te maak deur 'n Broadway-verwerking van Raymond Carver se kortverhaal "What We Talk About When We Talk About Love" te skryf, regisseer en daarin te speel. Ander akteurs sluit in Zach Galifianakis, Edward Norton, Andrea Riseborough, Amy Ryan, Emma Stone en and Naomi Watts.
Birdman word voorgehou as 'n prent wat in een, aaneenlopende skoot geskiet is buiten 'n kort uitsondering. Die kinematograaf, Emmanuel Lubezki, glo die verfilming van die lang skoot sou nie met ouer tegnologie moontlik gewees het nie. Die fliek is in 2013 met 'n begroting van $16,5 miljoen in New York geskiet. Sy première was in 2014 op die 71ste Venesiese Internasionale Rolprentfees.
Birdman het op 17 Oktober 2014 'n beperkte uitreiking in die VSA gehad, gevolg deur 'n algemene uitreiking op 14 November. Die prent het wêreldwyd meer as $103 miljoen geïn en het groot lof ontvang vir sy draaiboek, regie, kinematografie en toneelspel (veral van Keaton, Norton en Stone). Dit het op die 87ste Oscar-toekenningsaand die prys gewen vir beste prent, beste regisseur, beste oorspronklike draaiboek en beste kinematografie, uit nege benoemings. Dit het ook ander pryse gewen, onder andere 'n Golden Globe op die 72ste Golden Globe-toekenningsaand vir beste akteur in 'n musiekprent of komedie vir Keaton en vir beste draaiboek.
Hoofrolspelers
[wysig | wysig bron]Eksterne skakels
[wysig | wysig bron]
Wikimedia Commons het meer media in die kategorie Birdman (rolprent).
Wikiquote het aanhalings deur Birdman (rolprent).- Birdman (rolprent) in die Internet-rolprentdatabasis
