Bitfarm
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Bitfarm | |
|---|---|
| Tipe webblad | torrent- en NZB-soekenjinwebwerf |
| Huidige status | Onaktief (besoek Desember 2018) |
| URL | http://www.bitfarm.co.za/ |
Bitfarm is 'n Suid-Afrikaanse torrent- en NZB-soekenjinwebwerf. Met meer as 10 000 lede is dit ook die grootste webwerf van sy soort in Suid-Afrika.[1] Die webwerf stel gebruikers in staat om rekenaarlêers wat hulle wil versprei en wat hulle plaaslik tot 'n .torrent-lêer indekseer, tot die webwerf op te oplaai en waar ander gebruikers dan hierdie .torrent-lêer kan aflaai en hul rekenaars sodoende in staat stel om direk met die verspreider se rekenaar deur middel van 'n eweknie-tot-eweknie (Engels: peer-to-peer; P2P) protokol te kommunikeer om die oordrag van die lêer(s) oor die internet moontlik te maak. Die webwerf bemiddel dus die verspreiding van .torrent-lêers maar het, anders as wyd vermeen, geen direkte bydrag tot die verspreiding van enige van die lêers wat deur sy tracker geïndekseer word nie. Bitfarm kan dus met gewilde soekenjins soos Google vergelyk word, maar dit spesialiseer in die indeksering van .torrent-lêers en NZB-lêers.
Vermeende kopieregskending[wysig | wysig bron]
Weens die aard van die webwerf is dit ook moontlik vir gebruikers om gekopieregde materiaal te versprei. Dit het in November 2008 veroorsaak dat die RiSA 'n versoek geloods het om Bitfarm, Newshost en NinjaCentral te laat sluit. RiSA het klagskrifte aan die Suid-Afrikaanse Organisasie vir Internetdiensteverskaffers (ISPA) oorhandig en die onmiddellike sluiting van voorgenoemde drie webwerwe versoek. Prokureur Reinhardt Buys van Buys Inc. Attorneys, wat voorheen partye verdedig het teen dreigemente van die RiSA, het aangebied om al drie webwerwe gratis te verteenwoordig. Volgens Buys is webwerwe wat torrent-lêers versamel, indekseer en berg, wettig in Suid-Afrika. Hy meen dat die inhoud van hierdie webwerwe nie net deur die konstitusionele reg tot vryheid van spraak beskerm word nie, maar dat dit ook buite die grense van enige kopieregaansprake.[2]
