Björn at Haugi
Björn at Haugi ("Björn by die Heuwel", uit die Oudnoorse woord haugr, "heuwel"), Björn på Håga, Björn II of Bern was volgens die Hervarar saga 'n legendariese Sweedse koning en die seun van Erik Björnsson. Hy het saam met sy broer, Anund Uppsale, regeer.
In die Hervarar saga[wysig | wysig bron]
Die Hervarar saga is 'n Yslandse bron uit die 13de eeu. Aan die einde van die saga word 'n kort lys van konings gegee waarin Björn genoem word.
"Die seuns van Björn Ysterkant was Erik en Refil. Laasgenoemde was 'n vegterprins en seekoning. Koning Erik het ná sy pa oor die ryk regeer en net kort gelewe. Toe het Erik die seun van Refil die troon bestyg. Hy was 'n goeie vegter en baie magtige koning. Die seuns van Erik Björnsson was Önund van Upsala en koning Björn. Toe is die ryk weer onder broers verdeel. Hulle het die troon bestyg ná die dood van Erik Refilsson. Koning Björn het 'n huis met die naam 'Heuwel' gebou en hy self is Björn van die Heuwel genoem. Koning Önund het 'n seun met die naam Erik gehad, en hy het die troon van Upsala ná sy pa bestyg. Hy was 'n magtige koning. In sy tyd het Harald Skoonhaar koning van Noorweë geword. Hy was die eerste een wat die hele land verenig het."[1]
Die saga plaas koning Björn in die eerste helfte van die 9de eeu, want sy broerskind Erik Anundsson het in dieselfde tyd as Harald Skoonhaar gelewe.[2]
Verwysings[wysig | wysig bron]
- ↑ "Hervarar saga ok Heiðreks", Guðni Jónsson en Bjarni Vilhjálmsson se weergawe by Norrøne Tekster og Kvad. Engelse vertaling deur N. Kershaw: "The Saga of Hervör and Heithrek" Geargiveer 27 Desember 2006 op Wayback Machine in Stories and Ballads of the Far Past, vertaal uit Noors, Yslands en Faroëes. Cambridge University Press, 1921.
- ↑ Jónsson, Finnur (1890). "Om skjaldepoesien og de ældste skjalde", in Kock, Axel (red.). Arkiv för nordisk filologi, sjätte bandet. Ny följd: andra bandet. C.W.K. Gleerups förlag, Lund. p. 144.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Erik Refilsson |
Legendariese Sweedse koning | Opvolger Erik Anundsson → |