Blindederm

in Wikipedia, die vrye ensiklopedie
Jump to navigation Jump to search
Blindederm in 'rooi' aangedui onderaan die kolon van die mens

Die blindederm (of wurmvormige blindederm; Eng: Vermiform appendix) is 'n blind-eindigende buis wat aan die sekum verbind is, waaruit dit embriologies ontwikkel. Die sekum is 'n sakvormige struktuur van die kolon. Die blindederm is geleë naby die aansluiting van die dunderm met die dikderm.

Die term "vermiform" kom van die Latyns en beteken "wurm-vormige".

Funksie[wysig | wysig bron]

Die menslike blindederm word voorgestel as 'n vestigiale struktuur, 'n struktuur wat die meeste van sy oorspronklike funksie verloor het deur die proses van evolusie. Die wurmvormige blindederm is moontlik 'n verkleinde res van die sekum wat in afgeleë voorvaders van die mens teenwoordig was. Seka word in dele van die spysverteringstelsel van meeste huidige herbivore gevind. Dit huisves mutualistiese bakterieë wat diere help om die sellulose-molekules, wat algemeen in plante gevind word, te verteer.[1]

Ons menslike voorouers kon staatgemaak het op hierdie stelsel, toe hulle van 'n dieet wat ryk was in blare geleef het. Toe mense begin het om maklik-verteerbare voedsel te eet, kon hulle minder afhanklik geword het van sellulose-ryk plante vir energie. Soos die sekum minder nodig vir vertering geword het, het mutasies oor miljoene jare waarskynlik voortgegaan om die blindederm te laat krimp.

Verwysings[wysig | wysig bron]

  1. Animal Structure & Function”. Sci.waikato.ac.nz. URL besoek op 3 Oktober 2011.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.