Boerboel de Wet
| Boerboel de Wet | |
|---|---|
| Regisseur | Al Debbo |
| Draaiboek | John Goldblatt |
| Met | Al Debbo Trudie Rossouw Taffy Kikillus |
| Kinematografie | Vernon Whitten |
| Redigeerder | Harry Hughes |
| Ateljee | Irene Film Studios |
| Uitgereik | 27 November 1961 |
| Speeltyd | 76 minute |
| Land | Suid-Afrika |
| Taal | Afrikaans |
| IMDb-profiel | |
Boerboel de Wet is 'n swart en wit Afrikaanse rolprent wat op 27 November 1961 vrygestel is. Al Debbo was die regisseur en is ook een van die hoofkarakters in die film.
Genre
[wysig | wysig bron]Die rolprent is 'n aksiebelaaide komedie. Dit het geen ouderdomsperk nie en is goeie gesinsvermaak.
Hoofrolspelers
[wysig | wysig bron]- Al Debbo as Septimus Ignacius 'Boerboel' de Wet
- Trudie Rossouw as Marie (as Trudy Rossouw)
- Taffy Kikillus as Sidney Corbett
- Lorna Cowell as Mev. Weisenheimer
- Phillip Botha as Snoop
- Mario Lastrucci as Muis
- Sann de Lange as skoonmaak-dame
- Pieter Hauptfleisch as spoorweg-portier
- Gil Sales
- Christo Gerber
Storielyn
[wysig | wysig bron]Septimus Ignatius de Wet, ook bekend as Boerboel de Wet, die private speurder, red 'n kenner van antieke artefakte en word ryklik deur die eienaar van 'n groot juwelewinkel, Mevrou Weissman daarvoor beloon. Dit stel hom in staat om nuwe kantore te betrek en nuwe sake aan te neem. Marie Pieterse, die dogter van die antieke kenner wat hy gered het, vra hom om die verdwyning van 'n kosbare beeldjie uit die provinsiale museum te ondersoek, en daarmee saam die diefstal van juwele uit die vertoonkaste van Mevrou Weissman. Boerboel se ondersoek bring hom in aanraking met verskeie mense, onder meer met 'n Egiptiese professor wat eintlik die baasbrein agter die diefstal van die beeldjie en die juwele is. Maar dit vind Boerboel eers uit toe dit amper te laat is. Gelukkig is daar die mooie Marie om hom te help – dis nou wanneer hy haar nie uit die kloue van die misdadigers moet red nie.
