Bohemian Rhapsody (rolprent)

in Wikipedia, die vrye ensiklopedie
Jump to navigation Jump to search
Bohemian Rhapsody
University of West London Bohemian Rhapsody Poster.jpg
Regisseur Bryan Singer, Dexter Fletcher
Produksieleier
Draaiboek Anthony McCarten
Verteller
Met
Kinematografie Newton Thomas Sigel
Redigeerder John Ottman
Ateljee
Verspreider 20th Century Fox
Uitgereik 23 Oktober 2018
Speeltyd 134 minutes[2]
Land
Taal Engels
Begroting $50–55 million
Bruto wins $596.9 million
[Bohemian Rhapsody Amptelike webtuiste]
IMDb-profiel

Bohemian Rhapsody is 'n biografiese film oor die Britse rockgroep Queen. Dit volg die sanger Freddie Mercury se lewe, tot met Queen se Live Aid-vertoning in 1985 in die Wembley-stadion. Die rolprent is 'n gesamentlike Brits-Amerikaanse onderneming wat deur 20th Century Fox, New Regency, GK Films, en Queen Films verfilm is, met Fox as verspreider.

Die regisseur is Bryan Singer en die draaiboek is geskryf deur Anthony McCarten. Dit is vervaardig deur Graham King en die voormalige bestuurder van Queen Jim Beach. Rami Malek is Mercury, met Lucy Boynton, Gwilym Lee, Ben Hardy, Joseph Mazzello, Aidan Gillen, Allen Leech, Tom Hollander en Mike Myers in byrolle. Queen se Brian May en Roger Taylor het gedien as kreatiewe en musikale konsultante.

Die vervaardiging van Bohemian Rhapsody is in 2010 aangekondig, met Sacha Baron Cohen as Mercury. Nadat Baron Cohen in 2013 die projek verlaat het ná verskille met die vervaardigers, het die projek 'n paar jaar lank stilgestaan voordat Malek in November 2016 gekies is. Die hoofverfilming het in September 2017 in Londen begin met Singer as regisseur. In Desember 2017 is Singer ontslaan vir afwesigheid en botsing met die res van die span, en Dexter Fletcher is gehuur om die film te voltooi. Singer het erkenning as regisseur behou, terwyl Fletcher erkenning as uitvoerende vervaardiging gekry het. Verfilming het geduur tot in Januarie 2018.

Bohemian Rhapsody het verskeie pryse ontvang, onder andere vier toekennings by die 91ste Oscar-toekenningsaand: vir beste akteur (Malek), beste filmredaksie, beste klankbewerking en beste klankmengsel; Dit is ook benoem vir beste rolprent. Die rolprent het 'n Golden Globe ontvang vir beste dramarolprent by die 76ste Golden Globe-toekenningsaand, en Malek het 'n Oscar, Golden Globe, Screen Actors Guild Award en Bafta vir beste akteur gewen.

Verwysings[wysig | wysig bron]

  1. "Film releases". Variety Insight (in Engels). Geargiveer vanaf die oorspronklike op 21 Oktober 2018. Besoek op 10 November 2017.
  2. "Bohemian Rhapsody (12A)" (in Engels). British Board of Film Classification. 19 Oktober 2018. Geargiveer vanaf die oorspronklike op 26 Januarie 2020. Besoek op 27 Oktober 2018.
  3. "Bohemian Rhapsody (2018)". AllMovie (in Engels). Geargiveer vanaf die oorspronklike op 3 Desember 2019. Besoek op 24 September 2017.

Eksterne skakels[wysig | wysig bron]